All Chapters of Alejandro's Babymaker : Chapter 1 - Chapter 10

Pagkatapos ng ilang araw, bumalik ulit si Sugar sa ospital. Kahit hindi naman niya kailangang bumalik agad dahil maayos naman ang lagay ni Cece pero hindi niya kayang manatili sa bahay nang alam niyang mag-isa lang ang kaibigan niya roon. Kaya pagkatapos ng trabaho, dumidiretso talaga siya sa ospital dala ang ilang gamit, pagkain at mga bagay na baka kailanganin ni Cece.Isang gabi, habang natutulog si Cece, muling naramdaman ni Sugar ang bigat sa dibdib niya. Naaalala na naman niya ang sinapit ng kaibigan, hindi lang iyon. Pati ang problema niya sa kanilang bahay ay dala na rin niya.Si Sugar kasi ang panganay sa kanilang tatlong magkakapatid. Kahit mahirap ay siya rin ang nagpapaaral sa kanila. Hindi lang iyon, siya rin ang gumagastos sa panggamot ng kanyang ina dahil may malubhang sakit ito.Lumabas siya ng ospital para sana magyosi at doon niya muling nakita ang lalaki.Nakatayo ito sa parehong lugar kung saan sila unang nagkita, hawak ang sariling sigarilyo. Nang mapansin siya ni

Makalipas ang ilang linggo matapos maospital ni Cece ay nakauwi na siya. Araw-araw pa rin naman siyang dinadalaw ni Sugar kaya lagi silang nagkikita. Noong una pa nga ay ayaw ni Sugar na roon umuwi si Cece dahil naisip niyang baka walang mag-alaga sa kanyang kaibigan pero pinilit siya nitong okay lang siya.Isa pa, may tiyahin naman na makakatulong si Cece sa paggaling niya. Ayaw din kasing dumagdag ni Cece sa problema dahil alam niyang marami nang inaasikaso si Sugar sa kanila.Habang nasa sofa sila at nag-uusap, napansin ni Cece na para bang balisa si Sugar. Kanina pa ito nakatingin sa baso ng juice na iniinom niya pero wala naman siyang ginagawa rito. As in, nakatulala lang siya.“Uy, Su. Okay ka lang ba? Kanina ka pa tulala dyan,” sabi ni Cece, roon lang nagising si Sugar sa katotohanan.“Ha? Ah, sorry. May iniisip lang. Ano iyong sinasabi mo?” tanong ni Sugar.“Sabi ko, okay ka lang ba? Tulala ka kasi kanina. May problema ba?” may pag-aalala sa tono ni Cece noon.“Ah, wala.. Naa

Akala ni Sugar ay tapos na ang gulo nang tuluyan nang umalis ang lalaki. Bumalik sila ni Alejandro sa kanya-kanya nilang table kasama ang mga kaibigan nila at sinubukang ipagpatuloy ang gabi na parang walang nangyari.Pero hindi nagtagal, muling napansin ni Sugar ang lalaki na nambastos sa kanya. Nasa kabilang bahagi ito ng bar at may nilalapitan na namang babae.Noong una ay hindi niya pinansin. Iniisip pa niya na baka may kausap lang itong kakilala. Pero ilang minuto ang lumipas ay napansin niyang hindi komportable ang babae. Paulit-ulit itong umaatras habang sinusundan siya ng lalaki.Hanggang sa bigla nitong hinawakan ang babae sa baywang. Agad napatingin si Sugar.“Siya na naman Ano bang trip ng lalaking ito?” bulong niya.Napalingon si Alejandro sa direksyong tinitingnan ni Sugar. Maging siya ay napakunot-noo nang makita ang nangyayari.Hindi na lang si Sugar ang babaeng nilapitan nito. May isa na naman itong hinaharass.Lumapit ang isang lalaking customer para awatin sila, pero

“Sugar–” Hindi na niya hinintay pang matapos ang sasabihin ni Alejandro.“Good night,” mahina niyang sabi bago siya muling humarap sa pinto.“Sugar,” ulit ni Alejandro, mas malinaw at mas may awtoridad na.Napahinto siya dahil napansin niyang seryoso at parang lito si Alejandro sa ginawa niya. Hindi na ganoon kakalmado ang boses ni Alejandro.“May asawa ako.. B-Bakit mo ginawa iyon?” nauutal na sabi ni Alejandro sa kanya.Para tuloy biglang nawala ang lahat ng tama ng alak sa katawan ni Sugar. Dahan-dahan siyang tumingin sa lalaki.“Ano? Seryoso ka ba dyan sa sinasabi mo?” gulat na gulat noon si Sugar. Hindi niya alam kung anong gagawin.“O-Oo, may asawa ako..”Dalawang beses iyong sinabi ni Alejandro, at sa pagkakataong iyon ay malinaw na malinaw sa pandinig ni Sugar ang lahat.Napatitig siya rito. Parang hindi niya alam kung paano tatanggapin ang narinig.“May… asawa ka? B-Bakit ngayon mo lang sinabi? Akala ko.. Kaya mo ko kinakausap kasi gusto mo ko o gusto mong makipagkaibigan sa

FLASHBACKBago pa nakilala ni Sugar si Alejandro, minsan na siyang nagkaroon ng relasyon sa isang lalaking akala niya ay malaya at walang ibang karelasyon. Nagsimula iyon sa simpleng pagkakaibigan. Magkatrabaho sila noon sa isang kumpanya. Si Sugar ay nasa marketing department habang si Daniel naman ay kabilang sa sales team. Madalas silang magkita dahil magkalapit lang ang mga department nila. Noong una, simpleng biruan lang iyon, ni hindi nga pinapansin ni Sugar dahil focused talaga siya sa kanyang trabaho. Hanggang sa naging madalas ang pag-uusap nila. Unti-unti, nasanay si Sugar na may nagme-message sa kanya tuwing umaga. May nagtatanong kung kumain na ba siya at may naghihintay sa kanya pagkatapos ng trabaho. Hanggang sa isang araw, sinabi ni Daniel na gusto siya nito. Hindi naman agad pumayag si Sugar dahil una, hindi siya handa sa relasyon at pangalawa ay trabaho lang talaga ang gusto niya. Isa pa, ayaw niyang pumasok sa isang relasyon nang hindi niya alam kung seryoso ba