Umur Gonzales

Wala ng mahihiling pa si Candice Gonzales, dahil sa kaniya na lahat. Subalit isang araw, kinausap siya ng kaniyang magulang na ipapakasal siya sa anak na lalaki ng kaibigan ng kaniyang ina. Hindi iyon nagustuhan ni Candice Gonzales, lalo at may kasintahan siya! Pero hindi niya akalain na ang lalaking ipapakasal sa kaniya ay ang antipatikong lalaki na nakabangga sa sasakyan niya at humalik sa kaniya. Pero, pumayag din siya magpakasal. Dahil ba iyon sa halik na pinagsaluhan nila na nagdala sa kaniya sa alapaap kaya siya pumayag?

Sabi nila, ang buhay daw ay isang walang katapusang pakikibaka. Minsan, ang mga labang kailangan mong pagtagumpayan ay yaong mga hindi mo inaasahan. Handa ka ba sa anumang hamon ng buhay? Gaano kahanda ang puso mo sa mga bagay na ni sa hinagap ay hindi mo akalaing haharapin mo? Paano kung kinakailangan mong mahiwalay sa pinakamahalagang bahagi ng pagkatao mo? muli ka bang babangon para magpatuloy, o hahayaan ang sariling malugmok sa sitwasyong kinalagyan mo? Sa kabilang dako, gaano kalaking sakrepisyo ang handa mong ibigay para sa isang buhay na nakasalalay sayo? Handa mo bang talikdan ang lahat para sa isang responsibilidad na biglang naatang sa mga balikat mo? Ano ang mga hamon na kaya mong suungin, mga pagbabagong kaya mong harapin para sa isang bagay na hindi mo naman lubos na ma-a-angkin? Ang pag-ibig ba ay laging may depinisyon? Lagi ba itong may basihan at kaagapay na kondisyon? Pano kung ang pagmamahal ay ipinagkait ng panahon, mabibigyan pa ba ng isang pagkakataon? Ito ang mga tanong na minsan ko nang naitanong sa sarili ko, at hanggang ngayo'y gumugulo sa isipan ko. Simple lang naman sana ang mithihin ko, subalit bakit ipinagkait ito sa akin? Naalala ko pa kung paano nagsimula ang lahat...

Utang ang dahilan kaya napapayag ni Dr. Storm Davis si Judith Dimaculangan na magpanggap na fiancee niya. Ang Lola Anastacia kasi niya gusto siyang mag-asawa na gayung hindi siya naniniwala sa pag-ibig kaya't para matigil na ang pangungulit sa kanya ng kanyang lola, naisipan niyang ipakilala rito si Judith bilang soon to be mapapangasawa niya. Ngunit, hindi niya goal na magustuhan ng lola niya si Judith kundi para sabihin ng lola niya ba 'ayoko sa kanya para sa'yo'. Ngunit, kabaligtaran ang nangyari. "I like you, iha," wika ng kanyang Lola Anastacia. Pero, hindi pa doon nagtapos ang pagkabigla niya. "I like you para sa apo kong si Jiwan." "No way," mariin niyang sabi nang marinig ang pangalan ng kapatid sa ina. Hinding-hindi makukuha ni Jiwan sa kanya si Judith, papakasalan na niya ito ASAP.

Nang iwanan si Zak Zapanta ng asawa niyang si Irene, isinumpa niyang hindi na siya maniniwala at magtitiwala sa kahit na sinong babae pero, bakit kinain niya ang kanyang sinabi ng makita niya si Candelaria Ynares, ang asawa ng kanyang kaibigan? At bakit nakikita niya rito si Irene gayung ibang-iba naman ang hitsura nito sa kanyang ex?

Hindi man ang fiance ni Katrina Sa Juan ang kanyang first love ay nagdesisyon na siyang pakasalan ito dahil pakiramdam niya ay wala ng magmamahal sa kanya kundi ito lang. Ngunit, hindi nangyari ang gusto niya dahil sa araw ng kasal ay kinidnap siya ng kanyang ex-boyfriend. Sabi ni Jeremy Rosales, ang kanyang first love gusto lang siya nitong iligtas sa kapahamakan. Ngunit, bakit pakiramdam niya ay puso na naman niya ang muling mapapahamak kapag nagkamali na naman iyong tumibok sa ex niyang nag-iwan sa kanya ng sobrang sakit.

Mahal ni Jillian ang bestfriend niyang si Mark Wayne Toledo kaya pumayag siya sa offer ni Lance na ipa-realize sa matalik niyang kaibigan na mahal din siya nito. Iyon nga lang sa huli ay na-realize niyang tinangay na ni Ysmael Lance Madrigal ang kanyang puso. Minahal niya si Lance ng higit pa sa pagmamahal niya kay Mark Wayne at sinabi rin nito na mahal siya pero natuklasan niya ang plano nito -- ang patunayan na pati pag-ibig niya kay Mark Wayne ay kaya nitong agawin. Kaya sa huli, tinanggap niya ang alok na kasal ni Mark Wayne.

"Palagi na lang kasi akong nari-reject kapag nagpapasa ako ng libro ko sa Good Nobela at hindi ako pwedeng ma-reject this year. Alam mo namang may usapan kami ng Daddy. Hindi na niya ako pipilitin na mag-masteral kapag may naipasa akong libro. Eh, lagi akong nari-reject dahil nga ang mga sinusulat ko raw ay walang kilig. Kailangan daw mag-focus ako sa nararamdaman ng bida kapag nandyan ang mahal niya." -- Jornaliza Smith Ang nais lang naman ni Jornaliza Smith ay maging sikat na manunulat kaya nagpaturo siya sa bestfriend niyang si Luigi Chances kung paanong maging ‘manyak’. Kahit kasi kahit 23 years old na siya hindi pa siya nakaranas ng first kiss. So, paano pa niya mailalarawan kung paanong umakyat sa ikapitong glorya? On going na ang 'erotic session' nila ni Luigi ng biglang bumukas ang pintuan ng kanyang kuwarto at nakita sila ng kanyang Daddy na saksakan ng konserbatibo. Kaya, wala sa oras na napamartsa si Jornaliza sa harap ng altar. Shucks, ang nais lang niya ay maging sikat na manunulat, paano niya gagampanan ang papel bilang asawa kung wala namang spark sa pagitan nila ni Luigi? Eh, bakit parang may dumadaloy na milyun-milyong boltahe ng kuryente sa kanyang katawan kapag hinahalikan siya ng bestfriend niya?

Bata pa lamang si Joanne Mercado ay tiyak na niyang ang kababata niyang si Andrew ang nais niyang makasama sa habang buhay, ngunit,  isang gabi ay nagawa niyang ibigay ang pagkabirhen sa lalaking kinamumuhian niya mula pa sa kanyang pagkabata, si Lorenzo Villarama, ang kanyang step brother. 

Si Belinda 'Billy' Monteza ay sikat na vlogger kaya ipinayo ng pinsan ni Konsehal Kidlat Romero na makipaglapit kay Billy kung ayaw niyang gumastos ng malaki sa kampanya. Siyempre dahil nga sa may pangarap si Konsehal Kidlat na mag-Mayor sa darating na election ay nakipagkaibigan siya kay Billy at nauwi sila sa pagliligawan. Sa tingin ni Billy ay si Kidlat na ang kanyang man of her dreams kaya naman ipinakilala pa niya ito sa kanyang followers. Dahil doon, nakilala na rin ng husto si Kidlat kaya naluklok itong Mayor. Masayang masaya si Billy dahil natupad ng kanyang mahal ang pangarap nito, ngunit, magiging masaya pa ba siya kung malalaman niyang ginamit lang siya ni Kidlat para sa pangarap nito?

Gustong ipakasal si Yvette Villafuerte ng ama niya sa lalaking hindi pa niya nakikita kaya naman gusto na niyang yayain ang boyfriend niyang kinaaayawan ng ama niya na magtanan kaya nagpunta siya sa condo nito subalit nakita naman niya itong nakikipag sex sa kanyang mortal na kaaway. Dahil masamang masama ang kanyang loob ay nagpunta siya sa bar. Gusto niyang magwala at dahil sa ibig nga niyang magwala ay ipinagkaloob niya ang kanyang sarili sa isang estranghero. Sa tingin niya ay masisira rin ang buhay niya kung papayag siyang magpakasal sa lalaking nagugustuhan ng tatay niya para sa kanya kaya lang ang hindi niya napaghandaan ay ang paghaharap nilang muli ng hot na lalaking nakasiping niya ng 12 hours.