Chapter 4

Laurence’s pov

Unang tingin pa lang, alam kong sya si Mark Falcone. Maraming beses na rin kaming nag kita sa mga party at gala pero ang mas malaking tanong dito ay sino si Astrid sakanya?

Alam ko ang mga tingin na meron siya kay Astrid ay kakaiba. Sa tagal na nakakasalamuha at nakikita si Mark, ngayon ko lang siya nakitang tumingin sa paraan kung paano niya tignan si Astrid. 

Akin siya, Mark.

Napa-igting ang panga ko sa gigil sa pag-iisip. Bakit ko nga ba ito iniisip? Baliw. Kakakilala ko lang kay Astrid. May girlfriend ako. Tama. Tama. May girlfriend ako.

**ring, ring**  nawala ako sa pag-iisip ng tumunog ang cellphone ko.

“Lo, napatawag ka?”

“Nasaan ka ngayon, Laurence?” -seryosong tunog ng aking lolo sa kabilang linya na parang may nangyaring masama.

“Kasama ko si Astrid. May nangyari ba?”

“Umuwi ka. Ngayon din at isama mo si Astrid.”

“Understood.”

Pinatay ko ang tawag at naglakad papunta sa kwarto kung saan pumasok si Mark at si Astrid. Kakatukin ko na sana ng biglang bumukas ang p***o at lumabas si Mark na may malawak na ngiti sa mukha.

Ang sarap suntok-suntukin

“Astrid, tumawag ang lolo. Kailangan natin mauwi at may kailangan daw pag usapan sa Barzini Estate.” -Tumango si Astrid at tinawag si Jack para maka-alis na kami.

Alam na alam niya talaga ang power play sa pamilya ng mga mafia. Alam niyang ang isang salita ng nakakataas sa pamilya ay hindi dapat isawalang bahala. Kung mas maaga ko lang sana siya nakilala kesa ay Xena…

Patuloy ang pag mamaneho ni Jack papunta sa aming bahay ngunit si Astrid ay tahimik lamang buong byahe. Ano kaya ang napag usapan nila ni Mark?

“Astrid, ano ang plano mo sa Falcone na nasa warehouse mo? Hindi ito magiging maganda sa imahe mo na ikakasal sa Barzini. Matagal nang may alitan sa pamilya namin. Ayokong madamay ka.” -Malamig kong saad na hindi siya tinitignan.

“May utang na loob ako kay Mark at kailangan ko ‘yun panindigan. Mananatili siyang Head Technician sa warehouse bilang si Elijah Zorvante. Ipapakilala ko siya bilang matagal ng kaibigan ng mga Santoro.”

“Hindi bulag ang mga tao, Astrid. Makikilala at makikilala nila si Mark.” -nakilala ko nga e.

“Ano bang akala mo sakin? Hindi nag-iisip?” -napatingin ako sakanya at bakas sa mukha niya ang pagka-irita. Mukhang na plano na niya kung ano ang dapat gawin. This is not the time to push her.

“Ms. Santoro, Mr. Barzini, nandito na po tayo.” -nauna akong bumaba ng sasakyan at pinagbuksan si Astrid saka kinuha ang kamay niya para ipulupot sa braso ko papasok sa main door.

Pag-pasok ko ay tumambad sa akin si Lolo, ang aking ama at ang umiiyak na si Xena. Tang*na anong ginagawa niya dito?!

“Magandang araw po, Senior Barzini, Ginoong Barzini. Ako po si Astrid Santoro.” -Masayang bungad ni Astrid sa aking ama at lolo na hindi pinapansin si Xena 

“Santoro? Akala ko ito ay alyansa ng kasal sa isang Gonzaga?” -Matalim na tanong ng aing ama kay Astrid. 

Nanatiling naka ngiti si Astrid saka sumagot, “Ako po ang panganay na anak ni Don Antonio Gonzaga, dala ko ang apelyidong Santoro bilang pagkilala sa Lola kong yumao.”

“Santoro ang lola mo? Geneva ba ang kanyang pangalan?” -tanong ni lolo na titig na titig kay Astrid.

“Opo. Geneva Santoro” -tumawa ng malakas si lolo saka sinambit na isang matalik na kaibigan niya si Geneva at ang kaisa-isang babae na tumalo sakanya sa patimpalak noon sa kanilang eskwelahan. Ngunit mabilis din nawala ang kanyang ngiti ng mapatingin siya sakin at makita si Xena.

“Sit down. I need to talk to Laurence at alam kong dapat alam mo ‘to bago matuloy ang kasal.” -tumango ako at inalalayang maka-upo si Astrid.

“Laurence, totoo ba ang sinasabi nitong babae na’to na girlfr—”

“Ako po si Xena.” -matalim na nilingon ni Papa si Xena sa pag putol niya sa pagsasalita ni lolo.

“Sino ka sa tingin mo para putulin ako sa pag sasalita, ija?” -napayuko sa hiya si Xena ng barahin siya ni lolo at pasimpleng tumingin sa’kin para isalba siya ngunit hinawakan ko lang ang kamay ni Astrid.

Imahe ang pinaka mahalaga sa pamilyang kagaya ng sa’min. Walang ideya si Xena sa kung anong totoo sa likod ng yaman ng mga Barzini, ang alam niya lang ay ang pang front naming business na umiikot sa mga pharmacy.

“Laurence, nobya mo ba itong babaeng ito?” -tanong ng aking ama na tila nandidiri kay Xena kung tumingin. 

“Opo, papa.” -sagot ko ng naka yuko.

“Disgrace. Ikakasal ka na sa loob ng isang buwan, ano ang balak mong gawin?” -Malumanay ngunit alam kong may laman ang salitang binitawan ni lolo.

“May I speak?” -paalam ni Astrid na pinahintulutan naman ng aking ama.

“Xena, dear, hindi ba at sinabi kong tigilan mo na si Laurence?”

“I’m his girlfriend of one year! Sino ka para pag bawalan ako?”

“Gaya ng sinabi ko, I am his fiance. You’re just a side piece. Kabit, kirida, linta.”

“Laurence, say something…” -pagmamaka-awa ni Xena sa’kin.

“Let’s break up. This is for the bes—”

“BUNTIS AKO LAURENCE! IKAW ANG AMA!” -sigaw niya kasabay ng pag latag ng pregnancy test sa lamesa.

“What are you talking about? Walang nangyayar satin, mag tatatlong buwan na!”

“At tatlong buwan na din akong buntis, Laurence!”

“Bullshit!” -napa tingin ako sa Papa ko, alam kong hindi din siya naniniwalang sakin ang bata sa tiyan ni Xena.

“Do a paternity test. Until it is confirmed na hindi kay Laurence ang bata, I will not proceed with the wedding.” -madiing sagot ni Astrid ng naka titig sa aking lolo.

“We understand that, Astrid. Please stay here sa aming mansyon, let us at least provide you what we promised to your father noong napag kasunduan itong kasal na ito.” 

“Alright”

“Paano ako?! Hindi ba dapat ako ang titira dito?! Dinadala ko ang apo ninyo!” -mabilis na tumayoo si Astrid at sinampal si Xena

“Kung akala mo titira ako sa iisang bahay kasama ang linta na kagaya mo, nagkakamali ka. Senior Barzini, kung dito niyo rin siya patitirahin, ako ang aalis.”

“Understood. Carlos, humanap ka ng marerentahan na bahay na pwedeng tirahan ni Xena malayo sa Barzini Estate. At ikaw, Laurence, dalhin mo si Astrid sa kwarto ninyo.”

Tumango ako at sumenyas kay Astrid na sundan ako. Nang kami na lang ang tao sa hallway saka siya nag salita.

“Hindi pa tayo kasal at may anak ka na. Well done, Mr. Barzini. Balak mo bang gawin akong step-mother ng anak niyo?”