الفصل الثامن

زاد زين قوله بقسوة وهو يمسك ذراعها:

"طب وبالنسبة لما طلبت إيدك في مكتبي؟ وشبكتك اللي جاتلك من غير ما تختاريها؟ وفستان فرحك؟ ونزلتِ من على السلم من غير أبوك زي أي عروسة؟ دول مش يهموكي؟"

اقترب منها أكثر، صوته بارد كالجليد:

"لو كنتي اعترضتي على كل ده، صدقيني كنت هحترمك، وما كنتش هفكر أعمل معاكي أي حركة تقلل من قيمتك… تمام يا حلوة؟"

قبل جبينها مرة أخرى وهمس في أذنها:

"اللي يقوله زين السرجاني… مفيش مخلوق يحاسبه عليه."

انتهت الرقصة. سحبها ليجلسا معًا لاستقبال التهاني. وفجأة ساد الصمت، ودخلت شهيرة متأبطة ذراع حازم.

صُدم حازم عندما رأى العروس… خلود. تذكر سؤالها السابق: "مش حابب تعرف مين العريس؟" ولعن نفسه لأنه لم يسألها.

اتجه إليهما ببرود:

"مبروك."

ردوا عليه بمثل البرود. أما شهيرة فهنأتهما بصوتها الرقيق، ثم أضافت:

"أنا وحازم اتخطبنا."

نظر زين إلى خلود نظرة نارية أثارت ارتباكها. توترت وقالت بسرعة:

"مبروك ليكم أنتو الاتنين."

بارك زين لشهيرة، وتعمد عدم مصافحة حازم أو مباركته. فهم حازم القصد وهمس:

"بني آدم غبي."

سمعته خلود. رفعت رأسها بنظرة تحدي وقالت:

"زين… مش هتبارك لحازم كمان؟"

صُدم زين من جراءتها. نظر إليها نظرة نارية مضمونها "اصمتي"، فأخفضت رأسها وصمتت. ثم التفت إلى شهيرة وقال بهدوء مصطنع:

"يا رب الفرح يكون عجبك. اتفضلي… نهى وخليفة منتظرينك. ومتشكر جدًا على وجودك. والبيت بيتك لو حبيتي تزوري أختك في أي وقت."

كل هذا تحت مسامع خلود وحازم اللذين كانا يتآكلان من الغيرة. ولم تسلم شهيرة من تضارب الأفكار: هل زين ما زال يحبها؟ هل تزوج بهذا الشكل ليكسر والدها؟ وهل كلماته منذ أسبوع عن عودته لها كانت صحيحة؟ كيف وهي خطبت الآن لحازم؟ هل تسرعت؟

جلس زين بجوار خلود بتذمر:

"ده أسلوب تكلميني بيه قدامهم؟"

ابتسمت خلود بسخرية خفيفة:

"واحدة بواحدة… والبادي أظلم."

نظر إليها بتدقيق:

"أيوه بقى… نروح بس وأفهمك تقولي إيه ومتقوليش إيه."

اضطربت خلود:

"إزاي يعني؟"

أمسك يدها وضغط عليها لتقف:

"طالما مستعجلة تعرفي… يبقى الفرح خلص. ألف مبروك يا عروستي… ويلا على عرش الزين."

حاولت تفلت يدها:

"إيه ده؟ هو إحنا مش أول ليلة لازم تكون بالفندق؟"

رد ببرود:

"لا… مبعرفش آخد راحتي في الفنادق. أروح عرشي أحسن."

ذهبت معه كالمغيبة إلى مكانه الذي يلقبه بـ"عرش الزين".

وصلا إلى الفيلا بسيارته التي أصر على قيادتها بنفسه بدون مرافق أحد سواها. نزل من السيارة واتجه إلى الفيلا وهي تتبعه. دخلا فوجدتها خلود مظلمة وليس بها أحد. خافت وقالت:

"هو مفيش حد هنا؟"

نظر إليها من رأسها إلى أسفل قدمها باستهزاء:

"إحنا جينا قبلهم… أنا بسوق بسرعة. زمانهم على الوصول. تعالي ورايا… ومش عايز كتر كلام."

صعد الدرج وتبعته مذهولة من أسلوبه. ظلت تتمتم بكلمات لاعنة له، وآخرها:

"أوووف…"

وصل لنهاية الدرج ونظر إليها بسخرية:

"إيه؟ لحقتي تزهقي؟ المشوار لسه كبير."

شهقت مصدومة:

"لسه في سلالم تاني؟ تعبت."

أشار إلى جناحه الخاص:

"وصلنا يا حلوة."

تنهدت بارتياح:

"أيوة بقى أخيرًا… كان يوم صعب."

دخل زين إلى جناحه وهي وراءه. نظر إليها بصيغة الأمر:

"اقفلي الباب."

فرجت شفتاها من طريقته. أيعقل أن تُعامل عروس بهذه المعاملة؟ لكنها أغلقت الباب والتفتت. وجدت الجناح كئيبًا: سرير أسود، أريكة بنفس اللون كبيرة الحجم، غرفة ملابس، وحمام. استغربت من حجم الأريكة لكنها أدركت أنها ستكون له ليريح بها فراغ رجله.

نظر إليها:

"عجبك جناحي؟"

قالت باستهزاء:

"هو ده بقى عرش الزين؟"

رد بثقة:

"أيوه… عرش الزين. عندك مانع؟"

رفعت كتفيها باشمئزاز:

"مش حلو… ما عجبنيش."

ابتسم زين بسخرية:

"ميهمنيش رأيك على فكرة. ده جناحي وأعمل فيه اللي يعجبني… مش اللي يعجبك. أنتي موجودة هنا مش علشان تقولي رأيك… علشان تنفذي رغباتي فقط."

كادت ترد عليه، إلا أن رنين هاتفه قطعها. نظر إلى الشاشة فرآه أمه. زفر حانقًا، وفكر ألا يرد، لكنه اضطر للرد حتى لا تأتي بنفسها.

رد بصوت بارد:

"نعم."

ردت بغضب:

"زين أنت ليه جيت قبلنا؟ مستعجل على إيه؟ أنا كان لازم أتكلم مع البني آدمة اللي معاك وأعرفها حدودها في الفيلا إيه."

غضب زين من تدخلها:

"قلتلك ميت مرة… مبحبش حد يدخل في أشياء تخصني ولا يعدل عليا. أنا هقفل موبايلي… ابعتيلي حد بالعشا."

ارتجفت خلود من أسلوبه مع والدته. فكيف سيكون أسلوبه معها؟

رمى هاتفه على الأريكة وجلس. قام بخلع ساقه الصناعية وهو ينظر إليها. شهقت خلود وأشاحت بوجهها للجانب الآخر.

تحدث بسخرية:

"إيه يا حلوة؟ هو أنتي ما كنتيش تعرفي؟"

تلجلجت:

"لا… كنت عارفة… بس…"

ضحك زين:

"بس إيه؟ أوووه نسيت… إنك حساسة جدًا للمواقف دي… مبتستحمليش. لذلك والدتك استعطفت ياسمين هانم وقالتلها: بليز بلاش تخلي زين باش يقلع الساق قدام خلود لأنها ممكن تنهار… هااا… ما نهارتيش ليه بقى؟"

اضطربت خلود:

"لا أبدًا… أكيد إنطي ياسمين…"

قاطعها بضحكة صاخبة:

"إنطي ياسمين؟! لو سمعتك هترميك برة الفيلا. اسمها ياسمين هانم يا حلوة."

فرجت شفتاها:

"ياسمين هانم؟! إزاي دي حماتي؟"

زين باشمئزاز:

"حماتك؟! صحيح زي ما قالت أمي… أنتِ واحدة لوكال."

خبطت خلود قدمها في الأرض ووضعت يدها في خصرها:

"ولما أنا لوكال… اتجوزتني ليه؟"

ابتسم زين بسخرية:

"عشان أعاقبك."

اندهشت:

"عقاب؟ عقاب إيه؟"

نظر إليها:

"عقاب عن الأخبار اللي كنتِ بتعرفيها من أمك وأبوكي عن الفيلا وبتروحي تنقليها لحبيب القلب حازم."

شهقت خلود وحاولت الإنكار:

"ما حصلش."

أغمض عينيه ثم فتحهما ببطء:

"من البداية مبحبش الكذب… واللي بيكذب عليا مصيره تحت رجلي."

غضبت خلود وقالت بتحدي:

"أيوه كنت بنقله الأخبار… لأني كنت بحبه. بس كنت غبية… لأني ساعدته إنه يوصل لشهيرة حبيبة القلب… يا ترى حبيبة مين فيكم؟"

لم يتمالك زين غضبه. قام بارتداء ساقه الصناعية بسرعة، وتوجه إليها ممسكًا كتفها بقسوة:

"إياكي تجيبي سيرة شهيرة على لسانك القذر ده!"

ترك كتفها، لكنها لم تتركه بلسانها اللاذع:

"ياااه… كل ده عشان جبت سيرتها؟ لما أنت بتحبها أوي كده طردتها هي وأهلها ليه؟ أهو على الأقل كانت سابتلي حازم."

استفزه الكلام. سحب ذراعها للخلف حتى التصقت به وقال بصوت منخفض مخيف:

"أنا بحذر مرة واحدة… لكن لو اتكرر الغلط متلوميش إلا نفسك."

ثم صرخ في وجهها:

"فااااهمة؟!"

قالت بوجع شديد:

"فاهمة… بس سيب دراعي هيتخلع في إيدك أرجوك."

زين بقسوة:

"لو عايزة حياتك معايا تبقى كويسة… اللي أقوله يتسمع بعد كده."

فرجت شفتاها:

"حياتنا؟! إحنا ملناش عيشة مع بعض…"

---