Man-made Novels & Stories

Ngunit palapit sa bintana ay bumagal ang kaniyang lakad nang makita ang nakakamanghang lawa sa labas. Napakaganda ng lawa na kaniyang natatanaw. Is it man-made? Tanong ng kaniyang isip. Sobrang ganda ng kabuuan nito— ang hugis ng lawa na pinapalibutan ng mga malalaki at maliliit na bato at ang mga punong nakapaligid sa tabi nito ay napakaperpekto para isiping natural lamang iyon. Siguradong pinasadya iyon. Ginawa ng mga tao para magmukhang maganda at kamangha-mangha.

"Ay, paano naman ho magagawa ng kamay ng tao 'yon? Pagkaliit-liit niyon!" "Kaya nga tayo sikat at dinadagsa ng mga mayayaman, Jam, dahil nagagawa natin ang mga bagay na akala ng iba ay imposible," nakangiting paliwanag ng matanda. "Ang kumpanya nina Celestine, gumagamit sila ng mga makina upang gumawa ng maramihang alahas. Kaya naman ang mga gawa nila, walang kaluluwa. Pare-pareho. Ngunit ang mga gawa natin, gawa ng kamay, may puso, at may kuwento. Iyan ang dahilan kung bakit kahit gayahin nila ang itsura, hindi nila makukuha ang kalidad ng detalye natin."