Tula Para Sa Idolo Mga Nobela at Kwento

Sa edad na bente-otso, isang bagay lang ang gusto ni Alina—ang magkaroon ng sariling pamilya nang walang kasamang toxic na lalaki. Kaya pinili niyang magkaanak sa tulong ng IVF at isang anonymous donor. Ngunit nagbago ang lahat nang malaman niyang nagkaroon ng malubhang pagkakamali ang clinic. Ang specimen na na-implant sa kanya ay pag-aari pala ng isang ruthless at makapangyarihang bilyonaryo—si Ezekiel Valencia. Para protektahan ang batang dinadala niya mula sa clinic at sa maimpluwensyang pamilyang Valencia, pinili ni Alina na mawala at magtago sa probinsya. Apat na taon ang lumipas, napilitan siyang bumalik sa Maynila para ipagamot ang pambihirang allergy ng kanyang anak na si Kian. Dahil desperado sa pera, tinanggap niya ang trabaho bilang Executive Secretary sa isang malaking kumpanya—hindi alam na ang magiging boss niya ay mismong si Ezekiel Valencia. Pero gaano katagal maitatago ang isang batang kamukhang-kamukha ng bilyonaryo? At kapag nalaman ni Ezekiel ang katotohanan, papayag ba si Alina na maagaw ng isang lalaking hindi niya pinagkakatiwalaan ang nag-iisang mundong meron siya? O ang anak na hindi kailanman pinlano ni Ezekiel… ang siya palang babago sa buhay niyang matagal nang walang puwang para sa pagmamahal?

The Billionaire Soldier & The Heiress Doctor Dalawang bilyonaryo. Isang maputik na bundok. Isang malaking kasinungalingan. Si Dr. Seraphina Villaraza ay ang nag-iisang prinsesa ng pinakamalaking medical empire sa bansa. Para takasan ang isang arranged marriage, nagtago siya at nag-volunteer sa isang liblib at mapanganib na military outpost sa kabundukan ng Lopez, Quezon. Ang kwento niya sa lahat? Isa siyang dukhang iskolar na baon sa utang. Si Captain Niguel Arandia ay ang kinatatakutang lider ng Special Forces. Ang hindi alam ng kanyang mga tauhan, siya ang "black sheep" at tagapagmana ng bilyun-bilyong halaga ng Arandia Conglomerate. Ang kwento niya sa kampo? Araw-araw siyang nagbubuwis ng buhay sa mga delikadong misyon para may maipakain sa kanyang pamilya. Nang magkrus ang landas nila sa gitna ng digmaan at putik, sumiklab ang isang laro ng asaran at pagpapanggap. Nagtitiyaga sila sa sardinas at instant noodles para mapanatili ang kanilang mga sikreto, habang pilit nilalabanan ang nakakapasong tensyon sa tuwing magsasara ang flap ng kanilang medical tent. Sa gitna ng ulan, panganib, at mga nakaw na sandali, tuluyang nahulog ang loob nila sa isa't isa. Nangako silang aahon sa "kahirapan" nang magkasama. Ngunit pinaghiwalay sila ng isang madugong trahedya. Dalawang taon ang lumipas, muling nagtagpo ang kanilang mga landas—hindi sa isang madungis na kampo, kundi sa isang marangyang VIP Charity Auction sa Maynila. Wala nang mga pekeng utang at butas na uniporme. Dalawang bilyonaryong puno ng pride, galit, at matagal nang naipong pagnanasa ang maghaharap. Handa na ba silang isuko ang kanilang mga ego, o ang paghihiganti ba ang magiging bagong laro nila sa ibabaw ng kama?

Apat na taon silang kasal, at sa loob ng mga taong iyon, buong-puso ang tiwala ni Penny sa kanyang asawa. Ngunit gumuho ang lahat nang matuklasan niya ang maruming lihim ni Gabo. May iba pala itong pamilya sa labas. Ang mas masakit pa, ang itinuturing niyang ampon na kapatid na si Melissa at ang pamangkin niyang si Mia ay tunay palang mag-ina ni Gabo. Kayasinadya niyang piliin ang pinakamasayang araw ng lalaki para maghiganti. Ito ang araw ng grand launching ng bagong kumpanya ni Gabo. Inilapag ni Penny ang mamahaling envelope sa mismong mesa sa harap ng maraming bisita. Ang divorce agreement. Hindi makapaniwala si Gabo. Para sa kanya, isang malaking pagkakamali lang ang lahat na kayang daanin sa matinding pagsisisi. Agad niyang binayaran ng milyun-milyong breakup fee si Melissa at tuluyan nang pinutol ang ugnayan sa anak sa labas na si Mia, mapatunayan lang kay Penny na seryoso siyang magbago. Umaasa siyang babalik ang asawa dahil alam niyang wala itong ibang alam gawin sa buhay kundi ang maging maybahay. Sigurado si Gabo na maghihirap ito kapag nawala siya. Ngunit nagkamali siya. Ilang buwan lang ang lumipas, niyanig ng balita ang buong industriya. Hawak na ngayon ni Penny ang isang pharmaceutical patent na nagkakahalaga ng daan-daang bilyong piso. Hindi doon nagtatapos ang gulat ni Gabo dahil nabalitaan na lang niyang ikakasal na muli ang kanyang dating asawa. "Magpapakasal ka sa isang ordinaryong lalaki lang? Penny, hindi ka niya kayang buhayin! Hindi ka siya karapat-dapat para sayo!" Eksaktong inilabas ang opisyal na listahan ng pinakamayayamang tao sa Pilipinas para sa taong ito. Tiningnan ni Penny ang pamilyar na pangalan at litrato na nasa pinakatuktok ng listahan. Pagkatapos ay lumingon siya sa kanyang groom at ngumiti nang matamis. "Sabihin mo nga sa kanya, mahal, na ikaw ang pinakamayamang tao sa bansa."

Three years of marriage is such a short period of time for love, as people say. But for Seah Alxandra Garcia, three years of marriage with Mikhail De Luca was a curse. Matapos maka-graduate ni Seah sa kursong architecture ay agad siyang ikinasal kay Mikhail, isa namang italianong engineer. Malaking pagkabigo para kay Seah ang magpakasal agad, ngunit wala rin siyang nagawa dahil para ito sa ikabubuti ng kaniyang pamilya. Tatlo lang ang hinihiling ni Mikhail sa kaniyang bagong asawa para sa loob ng tatlong taon. Iyon ay ang manirahan sa Italya, matulungan siyang mapalago ang negosyo, at pagsilbihan ito — tatlong hiling sa loob ng tatlong taon para lang sa malaking pangangailangan ng pamilya ni Seah. Wala na kay Mikhail kung maisipan siyang iwan ni Seah matapos ang tatlong taong pagsasama nila, ngunit sa kabila ng lahat ay sadyang mapaglaro ang tadhana. Paano na lang kung nasanay na si Mikhail na mamuhay kasama ang asawa niya? Pero paano na lang kung gusto na niyang makapiling si Seah sa bawat araw na gigising siya? It was all clear to Mikhail they should have boundaries as a business marriage contract couple, but some things just ends up with what we don't expect. Seah didn't ask for a run, but who would've thought that her life will be in a double chase? Meeting the Ezekiel Ricci and Megan Ricci was like a lucky moment for Seah, pero ang hindi niya alam ay may trahedya pang naghihintay sa kaniya. She thought that finally, she will be stable and content with Mikhail, not until Ezekiel becomes the reason for their endless fights. Nang makilala ni Seah ang magkapatid na sina Ezekiel at Megan, para bang nabahiran ng gulo ang relasyon nila ni Mikhail. That with every bit of step she makes, their relationship fades.

Para makatakas sa isang impyerno, kailangan kong maglaho. Gagawin ko ang lahat huwag lang maikasal sa malupit kong stepfather. Sa aking pagtakas, pumasok ako sa isang trabahong akala ko ay magiging ligtas na kuta ko—ang maging personal na katulong sa mansyon ng pinakamapanganib na lalaki sa lungsod. Si Dante Moretti. Siya ang lason at kinatatakutang tagapagmana ng Moretti crime family. Akala ko ay sapat na ang pagpapanggap ko bilang isang simpleng maid para hindi ako mahanap. Pero sa unang gabi pa lang na nagtama ang aming mga mata, alam kong nagkamali ako. Hindi ako nakahanap ng proteksyon—nakahanap ako ng isang masidhing panganib. Mapanganib ang titig niya, at mas mapanganib ang bawat hawak niya. Higit pa sa pagsisilbi ng kape ang hinihingi niya; gusto niyang makuha ang bawat sentimetro ng pagkatao ko. Ngunit sa gitna ng aming naglalagablab na ugnayan, isang madilim na sikreto ang mabubunyag: Si Dante ay hindi lang basta amo ko. Siya ang anak ng lalaking tinatakasan ko. Sa loob ng mansyong puno ng kasalanan, hindi na lang ako isang runaway. Ako na ang kanyang premyo. At ngayong alam na ng stepbrother ko kung sino ang nagtatago sa ilalim ng kanyang bubong, wala siyang balak na pakawalan ako. Gagawin niya ang lahat para tuluyan akong maangkin.

"Kasal kana Thunder!" malakas na sigaw ko rito at kitang kita ko ang galit sa kanyang mukha. "Shut up, you bitch! Ano ngayon kung kasal na tayo? Sa tingin mo magbabago ang pakikitungo ko sayo? Huwag kang umasa Jewel! Kasal lang tayo sa papel, dala mo lang ang apelyido ko pero hindi mo ako pag mamay ari at kahit kailan ay hindi kita mamahalin! Itaga mo 'yan sa isip mo!" sigaw niya sabay alis. Bilang asawa ng lalaking pinakamamahal niya ng lubos, hanggang saan nga ba ang kaya niyang tiisin? Palagi niyang itinatanong sa kanyang sarili ang bagay na 'yon, pilit hinahanap ang tamang sagot, ngunit sa huli siya ay pikit matang iiling, itatabi ang katotohanan at patuloy na uunahin ang pagmamahal para sa kanyang asawa. Para sa lalaking kailanman ay hindi niya nakikitaan ng pagmamahal sa kanya. Hanggang saan ang kaya niyang gawin para sa pag ibig? Hanggang kailan niya kayang magtiis at lumabang mag isa? Hanggang kailan niya ilalaban ang isang laro na pilit pinapatalo ng taong mahal niya? Jewel Dawson, nag iisang anak at tagapagmana ng pamilyang Dawson, nakatakda na maging asawa ni Thunder Alcantara na nanggaling din sa mayaman na pamilya. Isang taong pagdurusa. Isang taong sakit. Isang taong pagiging miserable. Hanggang saan siya dadalhin ng kanyang pagmamahal?

[Mature Content] Sa halos apat na taon, sekretarya si Ella Stanford kay Javier Summers, at loob ng panahon na iyon, palagi niyang nilalabanan ang nararamdaman para rito. Jave was undeniably sexy, pero alam ni Ella na hindi siya mahuhulog kailaman sa isang babaero. Ni minsan, ‘di man lang siya nito binigyang pansin. Kahit hindi naman ito naging problema para kay Ella, kinimkim niya itong mag-isa. Hanggang sa isang araw, sa magarbo at sosyal na birthday party ni Jave, dumating si Ella na suot ang isang napakagandang pulang dress, kasabay ang isang accessory: another man. Isang business trip sa Sicily, Italy kasama si Jave ang nagtulak sa kanila upang mas mapaglapit pa. Kinailangan pa ni Jave na magpanggap na mapapangasawa ni Ella para lumayo ang kanyang manliligaw. Soon, this led to an intense, passionate affair. Pero nang magdulot ng ‘di inaasahang pagbubuntis ang mainit na pagtatagpong ito, papayag ba ang isang malayang CEO na magpatali sa kasal? Naglalaman ang kuwentong ito ng mga sekswal na eksena at ‘di angkop na mga salita.

Ang akala niyang perpektong asawa na mahal na mahal siya ay sumiping sa ibang babae. Idagdag pa na ang ina nito ay sobrang ayaw sa kaniya na kung saan ay handa pa siya nitong bayaran para lang hiwalayan niya ang anak nito at nang makita niyang may kasiping na iba ang asawa niya ay doon na tuluyang naubos si Jasmine. Nakipaghiwalay siya rito, not knowing na buntis pala siya. Limang taon ang lumipas at muling nagkrus ang landas nilang dalawa. He became her new boss at doon, muli nitong ginulo ang mundo niya. “She's our daughter right?” his eyes filled with emotion. Ngumiti siya ng mapait. “She's not.” “Jasmine please... Alam kong may nararamdaman ka pa para sa akin.“ Matinding galit ang nararamdaman niya rito dahil sa ginawa nitong pagtataksil, ngunit paano kung hindi naman pala totoo ang lahat ng iyon at isa lang misunderstanding? Will they find their way back to love? Or tatanggapin na lang ang katotohanan na hindi sila para sa isat-isa dahil sa mga hadlang sa pag-iibigan nila?

Sa araw ng anibersaryo ng pagkawala ng kambal nilang anak, tuluyang gumuho ang mundo ni Clarissa Velasco, not just from grief, but from the cold indifference of the man she once loved. Iniwan na lang siyang muli ni Adrian na parang wala siyang halaga, iniwan siyang maraming tanong sa isip niya, at nang bumalik ito, hindi para ayusin ang lahat, kundi para durugin pa siya lalo. Pero sa gitna ng pagkawasak niya, isang bagay ang hindi niya inaasahan. She’s pregnant. Habang pilit niyang binubuo muli ang sarili para sa batang dinadala niya, natuklasan niya ang mas masakit na katotohanan. Ang lalaking tinatawag niyang asawa ay may ibang buhay, at may anak na tinatawag siyang “Daddy.” She was abandoned. Betrayed. Replaced. Ngayon, haharap si Clarissa sa pinakamahirap na laban ng buhay niya. Mananatili ba siya sa lalaking sumira sa kanya, o pipiliin niyang lumayo at ipaglaban ang sarili at ang anak niya? In a world full of lies, pain, and betrayal. Kaya pa ba niyang magmahal ulit, or this time, sarili naman niya ang pipiliin niya?

Bago makuha ni Valeria Solano ang kayamanang iniwan ng kanyang pamilya, kailangan niyang magpakasal sa isang mayamang lalaki at magkaanak bilang kundisyon. Nang muling bumalik si Luciano Navarro — ang lalaking unang kumuha ng kanyang pagkabirhen. Nakita ni Valeria ang pagkakataong gamitin ito para sa kanyang mga plano. Desperada at handa siyang gawin ang lahat kaya pumayag siyang pumasok sa isang kasunduan para makuha ang mga yamang iniwan sa kanya. Ngunit may lihim si Luciano na magpapabago sa takbo ng buhay ni Valeria, at ang kalayaang inaasam niya ay maaaring maging kanyang pinakamalaking pagkakakulong.