الفصل الخامس: الجامع الغرقان

يونس ملقاش وقت يفكر، الكلمات كانت بتنزل على دماغه زي المطارق. مسك إيد مريم اللي بدأت "تشف" وتختفي تدريجياً، وجرى ورا الحاج غنيم اللي كان بيشق الضباب الأحمر بخطوات سريعة ماب تناسبش سنه.

الملاحة مكنتش بتخلص، والأرض تحت رجليهم بدأت تطلع صوت "قرقعة" كأنهم ماشيين على قشر بيض. مريم مكنتش بتتكلم، بس عينيها كانت بتلمع بخوف مش طبيعي وهي بتبص للسما، حيث "عيون صانع الأقفال" كانت بدأت تنزل من فوق أسطح البيوت اللي اختفت، وتتجسد على شكل "غربان سوداء" من حديد، بتطير فوق راسهم وتصدر صوت صرير معدني مزعج.

​وفجأة، ظهر "الجامع الغرقان".

مأذنته كانت طالعة من وسط الملح زي صباع بشري مقطوع، والحيطان بتاعته كانت متآكلة والمحراب باين من بعيد وهو "بينضح" مية سودة ريحتها قدم وزمن.

​"ادخلوا المحراب! بسرعة!" زعق غنيم وهو بيزق يونس ومريم لجوه.

​أول ما دخلوا، يونس حس إن الزمن وقف. الهوا جوه الجامع كان ريحته "بخور ميتين" وقدسية مرعبة. الحاج غنيم وقف في نص المحراب، وطلع من جيبه "سكينة خشبية" محفور عليها طلاسم قديمة، وبص ليونس بجدية خلت ركبه تخبط في بعض:

​"اقف في بقعة الضوء اللي جاية من فتحة السقف يا يونس.. وخلي مريم تقف وراك بالظبط. لازم تقطع 'صلتك' بظلك بإرادتك، وإلا صانع الأقفال هياخد الظل والروح مع بعض!"

​يونس وقف، والضوء الأحمر الخافت خلى ظله يترسم على الأرضية المملحة بطول غير طبيعي. مريم وقفت وراه، وحطت إيدها على كتفه، ويونس حس برعشتها اللي كانت بتنتقل لجسمه كله.

​"يونس.. بلاش.." همست مريم لأول مرة بصوت حقيقي، صوت يونس عارفه وحافظه من سنين. "لو اديتني ظلك، عمرك هينقص للنص، وهتفضل طول حياتك 'باهت'.. زيي. هتعيش نص حياة!"

​يونس بص لمريم، وبص للحاج غنيم اللي كان مستني الإشارة وهو رافع السكينة، وفجأة سمع صوت "خبط" عنيف على باب الجامع المهدوم. صانع الأقفال وصل، وكان واقف بره ومعاه "سلسلة" طويلة بيجرها وراه، وصوتها بيعمل قشعريرة في الجسم.

​"افتح يا ابن المرسي! مريم ماتت من عشر سنين.. إنت بتضحي بعمرك عشان 'خيال'؟" صوت صانع الأقفال كان بيخترق الحيطان ويخلي الملح يقع من السقف فوق رؤوسهم.

​يونس غمض عينه وقال بقوة:

​"اضرب يا حاج غنيم! مريم عاشت مظلومة، ومش هتموت مرتين!"

​الحاج غنيم رفع السكينة الخشبية، وغرزها بقوة في قلب "ظل" يونس اللي مرسوم على الأرض. يونس صرخ صرخة مكتومة وهو بيحس بنغزة في قلبه، وكأن روحه بتتشق نصين فعلاً. وفي اللحظة دي، الظل اللي على الأرض بدأ "يتحرك" لوحده، وبدأ يتسحب ناحية مريم، ويلف حوالين رجليها كأنه خيوط سوداء بتبني لها كيان جديد.

​لكن صانع الأقفال محّسش بالهزيمة، خبط الباب بكل قوته ودخل، ووشه اللي عبارة عن "قفل" كان بيطلع شرار، وبص لغنيم بضحكة صفرا:

​"قطعت الظل؟ مبروك.. بس نسيت إن 'الرسالة الأخيرة' لسه في جيب غنيم!"

​يونس بص لغنيم بذهول، لقى غنيم ملامحه اتغيرت، وطلع من جيبه "مظروف أسود" مكنش يونس شافه قبل كدة، وقال ببرود:

​"الرسالة دي يا يونس.. هي اللي مريم كتبتها بدمها وهي بتنازع.. والرسالة دي مكنتش ليك!"

يونس مكنش مصدق اللي سمعه، بص لغنيم اللي كان واقف وماسك "المظروف الأسود" ببرود، وكأن كل اللي فات كان تمثيلية عشان يوصل للحظة دي. مريم اللي لسه ظلها بيتشكل على الأرض، شهقت شهقة مكتومة وحطت إيدها على رقبتها كأنها بتختنق.

يونس مكنش شايف غير عيون مريم اللي كانت بتطلع لبره من كتر الخنق، والسلسلة الحديد اللي في بوقها بتتشد "بتزييق" مرعب ناحية الباب. هو حس إن السلسلة دي مش مربوطة في زورها هي بس، دي مغروزة في قلبه هو كمان.. كأن صانع الأقفال بيسحب "عمرهم" هما الاتنين بونش حديد.

​يونس مسك السكينة الخشبية، وبدل ما يقطع السلسلة، نزل بالسكينة على دراعه هو، بالظبط في نص "الثقوب" اللي على شكل مفاتيح.

​"لو إنت اللي ماسك السلسلة.. فأنا اللي هقطع الإيد!"

​يونس صرخ والسكينة بتشق اللحم، بس الصدمة إن الجرح مطلعش دم.. الجرح طلع منه "صديد أسود بريحة المسك المر"، وبمجرد ما السكينة لمست العظم، صانع الأقفال اللي ورا الباب طلع صرخة يأس هزت عمدان الجامع. السلسلة اللي في زور مريم "ارتخت" فجأة ووقعت على الأرض كأنها حية ميتة.

​يونس وقع على ركبه وهو بيمسك دراعه اللي بينزف السواد ده، وبص لغنيم اللي كان واقف "مبلم" وماسك الرسالة السوداء بإيد بتترعش:

​"إنت عملت إيه؟ إنت فتحت 'القفل الغلط' يا يونس! إنت كدة خليت صانع

الأقفال يقدر 'يدخل' جواك بدل ما يشدك من بره!"

​مريم جرت على يونس وهي بتنهج (نهج الروح اللي مش لاقية مستقر)، السلسلة سابت علامات حرق سوداء "بتاكل" في رقبتها الشفافة، وبدأت تحاول تسد الجرح اللي في دراعه بإيدها اللي ملمسها زي التلج المالح:

​"يونس.. ليه؟ ليه عملت في نفسك كدة؟ أنا كنت خلاص 'هتطمس'.. كنت هبقى مجرد حلقة في سلسلة صانع الأقفال للأبد!"

​يونس بصلها بابتسامة باهتة، والوجع كان بيخليه يشوف الدنيا "نقط سوداء":

​"مفيش راحة يا مريم.. لو كان سحبك، كنت هبقى أنا اللي خنقك بظلي وبحثي عنك. أنا قطعت الوصلة اللي رابطانا

بالعالم ده.. دلوقتي إحنا الاتنين 'مطاريد'.. لا أنا حي كامل، ولا إنتي ميتة مرتاحة."

​في اللحظة دي، صانع الأقفال مابقاش يشد السلاسل. الباب اتفتح ببطء، ودخل الكيان اللي يونس كان بيشوفه خيال..

صانع الأقفال بص للجرح اللي في دراع يونس، وصوته جه زي حشرجة الموت .

يا ابن المرسي؟ ذكي.. كدة السلسلة مابقتش تمسك في الروح. بس إنت متعرفش إن اللي بيسيل منه 'المداد

الأسود' ده، بيبقى هو 'الخريطة' اللي بتدلني على مكان الدفن الأخير.. الجرح ده هو اللي هيفتح القبر اللي إنت بتدور عليه!"