Twins Romance Web Novels & Pregnant Stories

Sa gabi ng kanyang ika-dalawampu't isang kaarawan, nagising si Lianna Marie Montenegro sa kama ng isang estranghero matapos siyang ipagkanulo ng sarili niyang kambal na kapatid at ng lalaking nakatakda niyang pakasalan. Tinanggalan siya ng pamilya ng dangal, itinaboy sa tahanan, at tinangkang ipapatay. Ngunit nakaligtas si Lia at nagsimulang muli sa ibang bansa. Pagkaraan ng limang taon, bumalik siya sa Buenavista kasama ang kanyang kambal na anak at iisang layunin, ang pagbayarin ang mga taong sumira sa kanyang buhay. Hindi niya inaasahang muling makakatagpo ang ama ng kanyang mga anak. Si Kael Dominic Moretti, ang makapangyarihang Big Boss na hindi kailanman nakalimot sa babaeng tumawag sa kanya na "weakling" at biglang naglaho matapos ang isang gabi. Ngayon, handa nang angkinin ni Kael hindi lang ang babaeng minsang nawala, kundi pati ang kambal na anak na lihim nitong inilayo sa kanya. Ngunit bago mangyari iyon, kailangan munang mabunyag ang mga kasinungalingang limang taon nang nakabaon sa nakaraan.

Naniniwala si Sloane Persephone Rivera o mas kilala sa tawag na Percy na ang tanging makakapagligtas lang sa pamilya niya laban sa kahihiyan ay iyong pumayag siya na makipagpalit nang pwesto sa kanyang kakambal na si Blaire sa kasal nito pansamantala. Pero nagbago ang lahat nang 'yon nang maaksidente si Blaire at magpanggap si Percy bilang kakambal niya at mapunta sa buhay na hindi naman niya kinabibilangan. Hindi handa si Percy na makilala ang lalaking pinakasalan niya noong araw na 'yon lalo na ang pakisamahan ang ugali nito. Nangako siya sa sarili niya na kahit kailan ay hindi mahuhulog ang loob niya sa lalaking hindi naman niya talaga asawa dahil nagpapanggap lang naman siya.Pero sa bawat gabi na nagkakasama sila sa iisang bubong, mga pag-uusap at tawanan na tanging sila lamang ang may alam, ay unti-unti no'n nabasag ang pader na pilit niyang itinatayo para protektahan ang sarili niya. Nakulong si Percy sa pagkatao na kailanman ay hindi niya pinili na naging sanhi nang pagkahulog niya sa lalaking hindi niya naman dapat mahalin pero aksidente niyang minahal. Ang mapaglinlang ba na pag-ibig ay kayang mabuhay kapag dumating na ang katotohanan? Paano kung kailan handa ka nang ipaglaban ang taong mahal mo ay saka pa bumalik ang taong nagmamay-ari naman talaga nito?

Sa mismong gabi ng engagement niya, nahuli ni Althea Solene ang kanyang fiancé at sariling stepsister na nagtataksil sa kanya. Masakit pa rito, pinagtulungan siya ng sariling pamilya, inalisan ng mana, at pinalayas na parang basura. Sa tindi ng sakit at kagustuhang makalimot, nagpakalunod si Sol sa alak at binalot ng init sa piling ng isang misteryoso at guwapong estranghero. Pero bago pa sumikat ang araw, tumakas siya nang walang paalam. Makalipas ang isang buwan, isang malaking sorpresa ang bumago sa kanyang tadhana—buntis siya sa kambal. Upang iligtas ang mga sanggol mula sa kanyang mapagsamantalang pamilya, pinili niyang maglaho at magtago sa malayo. Pagkalipas ng limang taon, nagbalik si Sol bilang sekretarya sa isang sikat na airline company. Ngunit laking gulat niya nang mapag-alaman na ang bilyonaryong CEO at Senior Captain na matagal nang naghahanap sa kanya ay ang lalaki noong gabing 'yon—si Captain Tyler Jaxith Arevalo. Nang magtagpo ang kanilang mga mata, hindi lang si Sol ang nakita ni Jax, kundi ang dalawang batang kamukhang-kamukha niya. Mapoprotektahan pa ba ni Sol ang kanyang lihim, o tuluyan na ba siyang mahuhulog sa mga kamay ng bilyonaryong piloto na walang balak pakawalan siya muli?

Isang gabing hindi inaasahan. Isang pagkakamali na hindi na mababawi. Akala ni Brielle, matapos ang gabing ‘yon ay wala nang balikan, walang magiging komplikasyon. Pero nagkamali siya. Ngayon, may isang buhay sa sinapupunan niya. At ang ama? Si Matthias Castillejo—isang lalaking mayaman, makapangyarihan, at walang balak akuin ang responsibilidad. Para sa kanya, isang gabi lang ‘yon. Pero para kay Brielle, isang panghabambuhay na pagbabago.

Isang gabing puno ng pagkakamali ang tuluyang nagpabago sa buhay ni Christine Jade Gomez. Matapos ang isang hindi inaasahang one-night stand, nalaman niyang ang lalaking nakasama niya ay walang iba kundi ang kanyang bilyonaryong boss na si Xian Gabrielle Montevierra. Mula sa isang pekeng relasyon, nauwi sila sa isang kontratang kasal. Ngunit habang unti-unting nahuhulog ang kanilang mga loob sa isa't isa, isang maling akala ang muling naghihiwalay sa kanila. Makalipas ang anim na taon, nagbalik si Christine—mas matagumpay, mas matatag, at handang harapin ang lalaking minsang nagwasak ng kanyang puso.

NAGMAHAL lang naman siya at umasa na balang araw ay mamahalin rin siya nito. Buong akala niya ay totoo ang lahat. Buong akala niya may pag ibig na ito para sa kanya, pero mali pala siya. Muli na naman ba siyang aasa? Paano niya haharapin ang katotohanang ginamit lang siya nito? Ipaglalaban niya ba ang pagmamahal niya rito o kusang magparaya na lamang?

‎Si Sasha ay isang simpleng katulong sa mansyon nina Lucas. Maayos ang lahat hanggang sa malaman ni Lucas ang isang katotohanan: habang siya ay hirap na hirap magkaroon ng anak na lalaki sa asawa niya, si Sasha ay may kambal na lalaki na at buntis pa ulit sa isa pa. ‎ ‎Desperado si Lucas at ang pamilya nito na magkaroon ng tagapagmana. Lingid sa kaalaman ng asawa nito ay isang madilim na deal ang inalok nila kay Sasha—maging surrogate mother sa tradisyonal na paraan kapalit ng malaking halaga. Noong una ay tumanggi si Sasha, pero nang ma-diagnose ng leukemia ang isa sa kanyang mga anak, wala na siyang ibang pagpipilian, lalo na at wala syang katuwang dahil iniwan na din sya ng ama ng mga anak nya.

Magtatatlong taon pagkatapos umalis ni Maxene sa Pilipinas upang manirahan sa ibang bansa dahil sa matinding pagkapahiya ay napilitan siyang umuwi upang dumalo sa kasal ng kabigan niya na si Vena, ngunit sa hindi inaasahang pagkakataon ay doon niya pala makikita ang lalaking nakasiping siya noong gabing sobrang nalasing siya sa bar kasama sina Vena. Ang lalaking ama ng mga anak niya, sa muling pagku-krus ng landas nila ay maalala kaya siya nito? Ngunit alam niyang napaka-imposible ng bagay na iyon lalo pa at nilayasan niya ito noon sa hotel room na pinagdalhan nito sa kaniya bago pa man ito magising. Sa takot na makilala siya nito ay dali-dali siyang umalis sa venue ng kasal ng kaibigan niya at nagmamadaling umuwi sa mga anak niya ngunit hindi niya alam na sinundan pala siya nito at nakita nito ang dalawang cute na bata na magdadalawang taon na at huli na para itanggi pa niya na may koneksiyon ito sa dalawa dahil, kamukhang-kamukha nito ang kambal!