الفصل السادس عشر

اقتربت منه ... لتجده جريحا فضمدت جراحه ... كانت أنفاسها تلفح وجهه بقوة ... ضربات قلبها يكاد يسمعها ... اقترابها هذا مهلك لمشاعره ... يقضى على ثباته ... خصلاتها الكستنائية تنسدل بنعومه على وجهها ناصع البياض فزاده رونقا وجمالا ... مد يده ليزيح خصلاتها ويضعها برفق خلف أذنها ... فألقت عليه ابتسامة عذبة ... معذبة لحصون قلبه فمال عليها قليلا وبدأ يقربها منه و....

استيقظ من نومه فزعا على صوت هاتفه فزفر بحنق كم كان حلما جميل وأخيرا بدأت مشاعره ان تنجلى تجاهها ... نظر بالهاتف ليجده حسن فأغلق المكالمة دون ان يرد ليجد انه تأخر على موعد عمله ... لكن ما مر به بالأمس لم يكن سهلا ابدا ....

اما هى فتطارده فى كل مكان حتى في أحلامه .... وضع رأسه تحت صنبور الماء البارد محاولا أن ينئى بصورتها من أمام عينيه ...

يقنع نفسه أن تلك البرودة ستطفئ لهيب قلبه وتهدئ من روعه ... لكن هيهات منذ متى ولأحد على قلبه بسلطان .... فقد إمتلكته وإنتهى الامر.

"لا بد أن أبتعد .. أهرب بعيدا عن تلك البندقتين اللتان تأسراني فأصبحت سجينهما عنهما لا أحيد" هكذا كان يحدث نفسه...

أفاق من سحرها عليه ليجد ان هاتفه يرن مرة أخرى .. أغلق الصنبور وتناول منشفته لتجفيف شعره محاولا طردها من أفكاره ... ولكن حينما وجد هاتفه يضئ فرحا باسمها تيقن ان لا مفر ... تناوله بهدوء وأجاب وهو يجلس على فراشه .. ولكنه لم ينطق بكلمة كأن اذانه تطربان بسماعها

:- مستر خالد ... أنا نور ..

صمتت قليلا وحاولت التحدث مرة أخرى ولكن ظهر صوتها متوترا فأردفت

:- انا كنت بسأل حضرتك هتروح المكتب انهاردة

. و ما ان سمع صوتها اضطرب القلب .. و دق العقل ناقوس الخطر و ما باليد حيلة

قال بهدوء محاولا لجم انفعالاته

:- عاملة ايه يا نور

نطقه لإسمها بهذا الشكل جعل مشاعرها تضطرب ولكن قالت بصدق وتلقائية كعادتها

:- انا كويسة ... إنت كويس

ابتسم بخفوت على تلقائيتها فأردفت

: -يمكن معرفش سبب اللى إنت كنت فيه إمبارح .. بس صدقنى عمرى ماحسيت بالإحساس اللى حسيته وقتها ...

ياالله أما كفاكى بقلبى عذابا ... أجابها بهمس تقشعر له الابدان

:- لا يا نور.. مش عايزك متضايقة ابدا .. عايزك دايما منورة زى ما بشوفك على طول.

دق قلبها بعنف إثر همساته تلك .. لا بد أن تنهى المكالمة الان فمزيد من الوقت معه سيجعلها تقول ما لا يحمد عقباه

:- الحمد لله انك بخير مع السلامة

أسرع قائلا قبل ان تنهى المكالمة

:- على فكرة خطوبة حسن بكرة وانتى معزومة طبعا ...

حك لحيته محاولا السيطرة على ارتباكه

:- هتيجى مش كدة ...

ابتسمت بسعادة وقالت

:- الف مبروك ... ان شاء الله اكون موجودة ...

وأنهت المكالمة واضعة هاتفها على قلبها محاولة ان تتحكم بدقاته ولو قليلا لكن رفع القلب رايته واعلن العقل استسلامه و كأن الماضي كان هباءا منثورا ....

أما هو فقد استسلم أمام عشقها ... خارت قواه امام بندقية عينيها... تهدمت حصونه أمام تلقائيتها ...

قرر أخيرا انه لن يبوح لها بشئ الا بعد ان تكون على زمته ... فقد عزم الأمر ...

*****

بمقر الشركة

جلس الثلاثة يتناقشون حول امور تخص العمل شعر عمر ان حسن ليس على ما يرام فقال مشاكسا

:- ايه يا عريس الغفلة مالك مضلمها ليه ..

نظر له حسن بصمت

فأردف عمر

:- ايه يا بنى مش شايف على وشك اى معالم توحى بالفرح .... لتكون مغصوب ولا حاجة ...

فأكمل مناكفا

:- لو مش عايز قولى وانا أخلعك فى مينت

دون ان يشعر سكب على جرحه ماء ساخنا ليزيده فوق الامه ... آلام...

حك خالد ذقنه ونظر الى عمر بنظرات ذات مغزى محاولا أن ينحيه عن هذا الحديث ...

فتحدث حسن بحزن

:- مش مغصوب ووافقت بمزاجى ... بس واضح انك فى الاول بتوافق برضاك ... ومن كتر ما بتوافق ومش بتعترض على حاجة ....

بيبقى بعد كدة رأيك ملهوش لازمة حتى لو الأمر يخصك انت شخصيا ....

شعر عمر بمقدار ما يشعر به حسن من ألم فقال مواسيا

:- انا مش عارف بالظبط ايه هى ظروف خطوبتك ... بس نصيحة منى دور على راحتك يا حسن ... لو لقيت نفسك مرتاح وهى تستاهل كمل .... اما بقى لو العكس فمتجبرش نفسك على حاجة علشان خاطر حد .... صدقنى يا حسن .... مش دايما اللى بنشوفه صح بيكون كدة فعلا ...

ابتسم حسن بسخرية قائلا

حتصدقنى انى لحد دلوقتى مقعدتش معاها غير مرة واحدة حتى رقم تليفونها مش معايا ... انا حتى مش عارف أفكر فيها .... مش عارف افرح ....

تدخل خالد بهدوءه المعتاد

بس انت لما شوفتها اول مرة كنت مبسوط ... انا فاكر الفرحة اللى كانت فى عينيك يومها ...

نظر له حسن بتيه وقال

منكرش انى كنت مبسوط ... وارتحت وانا قاعد معاها ... بس تصرفاته بتخلينى انسى كل دة ... وافتكر تصرفاته معايا ...

صمت قليلا ليكمل بشئ من الغضب

دة راح اتفق على خطوبتى من ورايا ... اتفق وقرر ونفذ من غير حتى ما اعرف ... انا اتفاجئت بالميعاد زيى زى أى حد ...

استطاع عمر ان يستشف غوائر الموضوع فشعر بالحزن على رفيقه اما خالد فكان اكثر وضوحا وواقعيا فقال

:- اسمعنى يا حسن كويس ... مشاكلك مع عمى شئ وعلاقتك بيها شئ تانى خالص ... لو ربطت الاتنين ببعض اضمنلك عذاب هتعيشه فى حياتك وهتفرضوا عليها ...

صمت قليلا ثم اردف بحزم

:- بنات الناس مش لعبة يا حسن .... لو مش ناوى تكمل يبقى من أولها قبل ما تعلقها بيك علشان متشيلش ذنبها ... لو شايف انك فعلا مرتاح بس هتتعب شوية علشان تنسى ان عمى اللى مخترهالك ... كمل وانا بصراحة شايف انك تدى نفسك فرصة معاها وشاركها حياتك علشان تقدر تتقبل تصرفاتك ..

حاول عمر إضفاء بعض المرح للتخفيف من حدة التوتر

:- الواد خالد دة بيقول كلام زى الفل ... دماغ متكلفة صحيح

فهم خالد ما يحاول عمر فعله فحانت على ثغره بسمه جانبية

ليردف عمر

:- بص يا واد يا ابو على انت اصلا المفروض تاخد رقمها وتكلمها وتتفق معاها على الفستان والحاجات دى زى كل الناس ما بتعمل

فرد حسن بتهكم

:- دة المفروض بقى...

أضاء هاتفه معلنا عن إتصال من والدته فرد عليها لتخبره بان لديهم موعد مع العروس ووالدتها لإختيار شبكتها ... رغم مستواهم الراقى لكنهم ما زالوا يحتفظون بعادات وتقاليد قديمة..

أثارت غضبه من جديد بعد ان حاول ان يتحلى ببعض الهدوء ... فقال

:- إنتو أكيد بتهزروا... انا بجد مش مصدقكم ... انا بقى تحت أمركم .. تعالا اخطب يا حسن ماشى ... خطوبتك كمان يومين ماشى ... اتفقنا على كل حاجة ماشى ... ودلوقتى تعالى علشان تجيبلها شبكتها والمفروض بردو انى اقول ماشى .... شايفينى متاح فى كل وقت ...

شدد على شعره وقال بسخرية

:- بس يؤسفنى أبلغك يا أمى إنى مش فاضى تقدروا تروحوا إنتوا لوحدكو كالعادى يعنى

وأنهى المكالمة ورمى الهاتف بقوة على الطاولة أمامه فقال خالد وهو يسند ظهره على كرسيه ويده تطرق بالقلم على سطح المكتب