الفصل العشرون

يجلس وحيدا ... تحاوطه الالام ... أنين الماضى والذكريات ...

يحوم بين جدران المنزل ... قرر ان يتناسى ... ولو لبعض الوقت ... فليمنح قلبه بعض الراحة وليسعد بمناسبتهم السعيدة ... وبقربها المليح ...

قرر ان يشغل نفسه قليلا فأقترب من المذياع وقام بتشغيل مجموعة من الأغانى القديمة الذى كان يستمع اليها بالسابق ... فإتجه الى خزانته وأختار منها بدلة من الأسود القاتم وقميص ناصع البياض وتخلى عن ربطة العنق كما يفعل دوما ...

فتسلل الى مسامعه بعض الكلمات من المذايع جعلته يشرد بالماضى ....

ذكريات وايام جميلة ...

وحكايات ولا الف ليلة ...

شوفت الدنيا ودوقت الحب ....

دوقت عذاب سنين القلب ....

مكتوب عليا اداوي جراح ....

اداوي ناس علشان ترتاح ....

لفيت بلاد ... بلاد بلاد

لفيت بلاد ... بلاد

يا اما شوفت أحباب ...

يا اما شوفت أحباب ....

مكتوب عليا اكتب مواويل ....

وعنيا تدبل طول الليل ....

ابعت مراسيل .... وتجينى مراسيل

القلب اهو داب .... والقلب اهو داب

السنين عدت علينا ....

والدموع جرحت عنينا ....

بعد ما عشت سنين سواح ....

لازم قلبى فى يوم يرتاح ....

مكتوب عليا اداوى جراح ....

اداوى ناس علشان ترتاح ....

مكتوب عليا اكتب مواويل ....

وعنيا تدبل طول الليل ....

ابعت مراسيل .... واجيب مراسيل

القلب اهو داب .... والقلب اهو داب

نظر للمذياع بحنق وأغلقه بقوة .... فشرع فى تغيير ملابسه وإرتدى ما وقع عليه إختياره ... تطلع لنفسه بالمرآه فإبتسم إبتسامة ثقة ... نظر فى يده ليتأكد من وجود خاتمه ذو الفص الزيتونى المطابق للون عينيه تماما ... وأخيرا تناول زجاجة عطره ونثر منها على ملابسه ثم أخذ نفسا عميقا وإتجه الى الأسفل ...

وجد الحاج رضوان يجلس ببهو المنزل فأقبل عليه يقبل رأسه بحب وقال مداعبا اياه

:- ايه يا حاج الشقاوة دى ... لا دة احنا نركن حسن ونشوفلك عروسة ... ولا إيه

اتمم كلامه بغمزة من عينيه جعل جده يقهقه عاليا فأمسك بأذن عمر يشده مازحا

:- يا واد يا بكاش إنت هتاخودنى فى دوكة ...

ترك أذنه وابتسم بنصر عندما وجد عمر يدلك أذنه برفق فأردف

:- قولى بقى ناوى تفرحنى بيك إمتى بقى ... يا بنى نفسى أفرح بيك وأطمن عليك..

أخفض عمر رأسه للأسفل لا يعلم ماذا يقول لجده... هل يبوح له عما يكنه بقلبه لأميرة ... أم يخبره بما يحول بينه و بين ان يمضى قدما بحياته المستقبليه ...

ساد الصمت طويلا فقطعه الجد قائلا

:- انا حاسس بيك يا عمر بس مش عارف مالك ... مش قادر أحدد بالظبط ... ساعات بحس ان اللى فى دماغى غلط او يمكن يكون بيتهيألى وساعات بتأكد منه مليون فى الميه ... بس المشكلة عندك إنت ... إنت اللى مش عايز تتكلم ....

زادت حيرته أضعافا لو يعلم انه حين يخبره بعشقه لها سيصبر حتى تهدأ غوار نفسه .... لفعلها

ولكن حين يقولها علناً سيكون عليه أن يثبت جديته و هو لا يريدها فى عالمه الان .... حتى يعلم من يكون؟ هل هو حقا حفيد العائلة ... أم أخر مجهول الهوية جلبوه من إحدى دور الرعاية

أو ربما وجدوه ملقى على الطريق فأشفقوا عليه ...

لا لا عليه ان يريح عقله قليلا من هذه الأفكار ... أفاقه من هذه الدائرة المغلقة التى دوما يا يضع نفسه بها صوت أنثوى مر عليه الزمن فأصبح يحمل بعض الوهن مع مرضها المستمر وبالأخص بالفترة الأخيرة...

التفت اليها مبتسما فلكزه جده وقال ساخرا

:- جتلك الفوقة دلوقتى ... هتقعد تتكلم معاها طبعا .... وانا بقالى ساعة بكلمك وانت مبلم ولا بترد ....

ضحكت كاريمان وقالت بصدق

:- حضرتك الخير والبركة يا حاج ... انا بس من ساعة ما جه من السفر بالسلامة وانا مش عارفة أقعد معاه دقيقتين على بعض ...

دة ربنا يعلم غلاوته فى قلبى أد ايه هو خالد وحسن وأميرة بعتبرهم كلهم أولادى ....

أكد رضوان على كلامها

:- انا عارف اللى انتى بتقوليه يا بنتى ... انا منساش ابدا واقفتك معايا فى تربية خالد ومعاملتك ليه .... أهو يمكن قدرتى تعوضيه ولو شويه عن أمه .... ربنا كان بعتك لينا نجدة من السما ....

ردت كاريمان بعد ان لمعت الدموع بعينيها

:- انا جيت هنا وهما حتة لحمة حمرا يعنى كبروا على ايدى وقصاد عينى ..

إقترب منها عمر وقال ممازحا

:- ايه يا كوكو ... يعنى دة وقت نكد ... عندنا فرح عايزين نفكها شوية ...

أخذ يدور حولها مع إصدار صفير عالى وأردف

:- ايه الشياكة دى يا كوكو دة انتى يتخاف عليكى ... لا بصى انا مش عايز اتخانق مع حد انهاردة فانتى تفضلى واقفة جمبى طول الحفلة علشان مأذيش حد بسببك يا كوكو ... انا معنديش ياما ارحمينى

قهقه الجد وكاريمان وأخذت تضطربه بخفه على كتفه حتى إنتبهو لها ... أميرة تهبط بطلة ساحرة بفستانها الذهبى الذى رسم مع خمرية بشرتها لوحة رائعة ... شّكل جسدها ببراعة ... وحجابها زاد وجهها ضياءا ... فكانت كمن تتهادى على قلبه لتسقطه صريعاً فى غرامها من جديد ...

بادرت كاريمان بالحديث واقتربت منها تقبلها بحب

:- بسم الله ما شاء الله ... الله أكبر ... أميرة وإنتى أميرة فعلا

عقبال ما افرح بيكى واشوفك مع عريسك فى الكوشة

ابتسمت أميرة على إستحياء وردت

:- شكرا يا دادة .... ربنا يخليكى ليا

انضمت اليهم حنان التى نظرت لإبنتها شرزا وكأنها وجدت السبب الذى سيجعلها تتشاجر معها بضمير حى

:- ايه دة...

تطلعت أميرة لنفسها وأخذت تجوب بأنظارها على مظهرها فقطعت حنان حيرتها حين اردفت

:- حد يلبس كوتشى على فستان سواريه ... انتى مبتفهميش اى حاجة فى اللبس كدة ... حفضل أفهم وأعلم فيكى لحد إمتى ...

نظرت أميرة حولها بتوتر فوجوده يزيد من حدة موقفها المعتاد من أمها ... حاولت ان تبدو هادئة رغم ارتباكها الواضح

:- فى ايه بس يا ماما ما هو حلو اهو... وبعدين ناس كتير مش بترتاح فى الشوزات اللى بكعب عالى وبيفضلوا الكوتشيهات ...

زادت حنان من غضبها فارتفع صوتها قليلا وتحدثت

:- اه طبعا ما أنتى بتسمعى كلام الناس ... لكن كلامى أنا لا .... وياريتك بتسمعى كلام حد عدل دول شوية عيال متخلفة مبيفهموش اى حاجة .... وأنتى ماشيالى وراهم زى العبيطة

وبعدين ما تعملى زيهم فى حاجة عدلة يمكن أجوزك وأخلص منك

الى هنا وطفح الكيل لما دوما تريد ان تنغص عليها حياتها ربما إنها إعتادت الأمر ... لكن الان فى وجوده وأمام عينيه ينكسر كبرياءها وتطيح بكرامتها أرضا تحت قدميه ... إنتفض كبرياءها مدافعا عما تبقى لديها لتهتف بدموع حرقت قلوب الموجودين وبالأخص هو

:- كفــــــــــاية بقى .... حرام عليكى ... ليه مصممة تخلينى مضايقة ... مصرة تكسرى فرحتى لمجرد بس انى مبسوطة او بضحك .... مفيش حاجة بعملها بتعجبك وأنا بحاول أراضيكى بس بردو مفيش فايدة ...

انا مش محتاجة أعمل أى حاجة علشان أعجب حد ... انا زى منا ومش هتغير واللى عجبه على كدة أهلا وسهلا واللى مش عجبه مع ألف سلامة ...

واتجهت الى أعلى ثم وقفت ونظرت اليها وأكملت بقوة دموعها التى نجحت فى محوها رغم نحيب قلبها ...

:- متخلينيش أكرهك يا ماما .... علشان انا فعلا قربت ...

ثم هرولت الى أعلى تاركة الصدمة على وجه حنان لجمت لسانها ... هل هذه أميرة التى تصرخ بوجهها هكذا ... كيف إستطاعت ان تفعلها