คุณวารีไม่ชอบแมวหยิ่ง

"What kind of rubbish is this?"

Nagulat ang lahat matapos marinig ang sigaw ni Mr. Tan.

"I didn't pay you to give me this kind of work! Go away!"

Kaagad namang umalis ang empleyado sa opisina ni Mr. Tan.

"You'll be fired if you can't satisfy me!" sigaw ni Travis mula sa kaniyang opisina na paniguradong maririnig ng lahat.

"May sayad ba si Mr. Tan ngayon? Kausapin mo nga dahil pitong tao na ang tinanggal niya ngayon." reklamo ng empleyado sa kadadating lang na secretary nito, si Chad Biazon.

"May pinagdadaanan lang si Mr. Tan kaya ibuhos niyo lahat ng lakas niyo sa trabaho."

Hindi sumagot ang empleyado kaya nagpatuloy na lang si Chad sa opisina ni Travis at laking gulat niya nang makita ang mga nakakalat na papel sa sahig at basag na figurine sa lamesa nito.

Hinanap ni Chad si Travis at agad itong nilapitan matapos niyang makitang nakaupo ito sa pinakasulok ng opisina pero bago pa man siya makalapit dito ay may figurine na lumipad papunta sa kaniya.

"Get out!" sigaw ni Travis at ipinagbabato ang lahat ng bagay na kaniyang mahawakan.

"Hindi naman talaga ako pupunta dito kung hindi lang sana sa papel na 'to." saad ni Chad pero wala pa ring pake si Travis.

"Nakipagkita si Luigi kay Matt para bayaran ang utang niya sa kompanya at ang perang ginamit niya ay ang perang ideneposito mo sa proyektong hindi natuloy seven years ago." dagdag ni Chad at napadilat naman ng mata si Travis.

Agad na iniabot ni Chad ang mga papeles at iilang litrato na nagpapatunay sa impormasyong kaniyang nakuha.

Seryoso ang mukha ni Travis habang tinitingan isa-isa ang nasabing impormasyon at nagpatuloy naman si Chad sa pagsasalita.

"Lahat ng perang nakuha niya ay ibinibigay niya sa girlfriend niyang si Alie at lahat ng kaganapang ito ay nalaman ni Allyson bago pa man nagkaroon ng live press conference at si Almira Lopez ay nasa kritikal na kalagayan."

Naibagsak ni Travis ang mga papeles matapos marinig ang pangalan ni Allyson.

"Kung nandito ka para linisin ang pangalan ni Allyson, makakaalis ka na." saad nito at bumalik sa kaninang puwesto.

Napabuga naman ng hangin si Chad dahil sa inasta ng kaibigan.

"Hindi ako nandito para linisin ang kalat ng kahit kanino Travis. Nandito ako para sabihin sa'yo na gamitin mo ng tama ang utak mo." saad ni Chad pero wala pa ring kibo si Travis.

"Hindi mo ba napapansin na tila may sumisira sa relasyon niyo?"

Napabuga ng hangin si Travis at tiningnan siya ng seryoso.

"Hanapin mo si Luigi at alamin mo ang puno't dulo ng lahat ng 'to at isama mo na rin ang ginawa niyang abortion seven years ago. Aayusin ko ang problema ng pamilya ko." utos ni Travis na agad namang sinunod ni Chad.

"Hindi ko alam kung ano ang pakay mo Allyson pero sinisiguro ko na hindi mo'ko maiisahan." saad ni Travis sa kaniyang utak.