Babywingman Novels & Stories

“Mama,” napalingon ako ng marinig ko ang boses ng batang cute na lalaki. Napatitig ako sa batang lalaki na ngayon ay tumawag sa akin ng ‘mama’ na basta na lang sumulpot sa kung saan sa harap ko. At ng titigan ko ito ay hindi pwedeng magkamali ang mga mata ko ng makita na kahawig ito ni Magnus. Ang boss kong walang ibang ginawa kundi ang utusan ako sa lahat ng bagay. Pero teka! Sandali! Sa tagal kong nagtatrabaho bilang assistant ni Magnus ay kailan pa ito nagkaroon ng anak? At ang masaklap pa ay tila pinagsasama kami ng bata kung kailan balak ko ng umalis sa trabaho bilang assistant niya. Did this child play cupid between me and Magnus? And Magnus actually used the charm of his son to make me stay.

Sa araw ng libing ng kanyang ina, natabunan ng katahimikan ang mundo ni Amara Alvarez. Samantalang sa kabilang panig ng lungsod, ang lalaking tinawag niyang asawa ay nagdiriwang, isang marangyang birthday party, inihahandog hindi para sa kanya, kundi para sa unang babaeng minahal nito. Doon niya tuluyang naunawaan ang lahat. Hindi siya kailanman minahal. At ang isang relasyong walang pag-ibig ay wala ring saysay ipaglaban. Tahimik niyang iniwan ang mga papeles ng diborsyo. Tahimik niyang isinara ang buhay na ipinagkatiwala rito. At sa katahimikang iyon, ipinaalam din niya ang batang dinadala kasabay ng pagtalikod niya sa lahat ng dati niyang pinanghawakan. Lumisan si Amara mag-isa. Pagkaraan ng limang taon, sa isang marangyang auction, muling napatigil ang mundo. Ang punong auctioneer—nakasuot ng makintab na bestida at may puting belo sa mukha ay naging sentro ng atensyon. Kumipot ang mga mata ni Nardo Morales. May kung anong pamilyar sa tinig, sa tindig, at presensiya nito. “Ang pangalan niya… Amara?” “Opo,” sagot ng kanyang assistant. “May nag-alok ng milyon-milyon para makita ang kanyang mukha, pero tumanggi siya.” Sa sandaling iyon, parang may bumagsak na pader sa kanyang dibdib. Ang babaeng limang taon niyang hinanap at pinakawalan ay nasa harap na niya. Kinagabihan, sa isang madilim na interseksyon, hinarang niya ang dinaanan nito. “Auctioneer Mara,” malamig niyang wika, “hanggang kailan ka tatakas?” Huminto siya. Hindi man lang lumingon. “Mr. Morales,” matatag niyang sagot, “diborsyado na tayo.” “Hindi ako pumayag.” Bumigat ang tinig niya. “Nasaan ang anak ko?” Dahan-dahan siyang humarap. “Mr. Morales, tila kayo ang nakalimot. Limang taon na ang nakalipas mula nang nagpapalaglag ako.” Nanigas ang kanyang mukha. “Kung ganoon,” mariing sabi niya, “ano ito?” Sa harap ni Amara, tatlong batang limang taong gulang ang sabay-sabay na humakbang pasulong, nakahanay, magkakahawig ang mga mata, at malinaw na malinaw ang sagot sa tanong niya.

Hindi inaasahan ni Cielo San Juan na matapos ang apat na taon ay muli niyang makakaharap ang lalaking minsang naging lihim niyang sugar daddy, si Nathan. Hindi rin niya akalain na ito pala ang Chairman at CEO ng kumpanyang pinagtatrabahuhan niya. Ngunit may mas malaking problemang kinakaharap si Cielo. Ang lalaking nais ipakilala ng kanyang bibong anak at maging Daddy ay walang iba kundi si Nathan mismo. Sa takot na maagaw sa kanya ang anak, determinado si Cielo na itago ang katotohanan. Hindi niya aaminin na si Nathan ang ama ng bata, kahit pa kitang-kita ang pagkakahawig ng mag-ama. Habang mas nagiging malapit si Nathan sa anak, lalo pang titindi ang damdamin niya para kay Cielo, at hindi niya aakalain na darating ang araw na gagawin niya ang lahat para mahalin siya ng babae at mabuo ang kanilang pamilya.

My Baby’s Daddy Is My Ruthless Boss (SPG) Matapos mahuli ni Arch. Alex Reyes ang fiancé niyang may relasyon sa sarili niyang best friend sa mismong engagement party nila, isang gabi ng alak, galit, at kahinaan ang tuluyang sumira sa maayos niyang buhay. Sa gabing pilit niyang kinakalimutan, nakilala niya ang isang delikadong estrangherong nagdala sa kanya sa isang gabing puno ng init, tukso, at padalos-dalos na desisyon. Akala ni Alex, mananatili na lang iyong isang pagkakamali na hindi na niya muling babalikan. Pero ilang linggo matapos ang gabing iyon, natuklasan niyang buntis siya. Takot na muling masaktan at iwan, pinili niyang mawala nang tahimik at palakihing mag-isa ang batang dinadala niya. Anim na taon ang lumipas, muling nagkrus ang landas nila nang matanggap si Alex sa pinakamakapangyarihang kompanya sa bansa. Ngunit sa unang araw pa lang niya sa trabaho, parang gumuho agad ang mundo niya. Dahil ang ruthless billionaire CEO na haharap sa kanya ay walang iba kundi si Azrael Laurent. Ang lalaking nakasama niya sa gabing hindi niya malimutan at ang ama ng kanyang anak. Hindi alam ni Alex na matagal nang hinahanap ni Azrael ang babaeng nakasama niya six years ago. Kaya nang matuklasan nitong si Alex pala ang babaeng iyon at ang batang kasama nito ay sarili niyang anak, hindi siya nagdalawang-isip na angkinin ang dalawa. Handa siyang pakasalan si Alex, protektahan ito, at tulungan sa paghihiganti laban sa mga taong sumira rito. Ngunit higit pa roon, determinado si Azrael na gawin ang lahat para tuluyang mahulog sa kanya ang babaeng matagal na niyang hinahanap. Pero hindi ganoon kadaling magtiwala si Alex. Lalo na sa isang lalaking kilala sa pagiging malamig, dominante, at mapanganib. Magiging sapat kaya ang pagmamahal para paghilumin ang sugatang puso ni Alex?

Sa likod ng malamig na mga mata ni Adrian de Luca ay isang lalaking handang angkinin ang babaeng gusto niya. Iyon ay si Samantha Romano, siya ang empleyadang matagal nang nagtatrabaho sa industriyang kanyang pinapatakbo at ang babaeng lihim na umiibig sa kanyang amo. Para kay Adrian de Luca, laro lang sa umpisa si Samantha Romano. Ngunit habang tumatagal, mas lalo siyang nababaliw sa dalagang hindi natatakot suwayin anoman ang kanyang sasabihin. Habang unti-unting nahuhulog ang kanilang mga puso, isang babae ang muling bumalik sa buhay ni Adrian, at iyon ay si Celestina Monteverde. Si Celestina ay ang isa sa pinakamaraming dahilan kung bakit pinili ni Samantha na maglaho. Bitbit ang lihim na anak ng bilyonaryo, pinili niyang mawala bago pa tuluyang masira ang kanyang buong pagkatao. Note: Sisimulan kong isulat ang pinakaunang bahagi ng storya kung bakit ni Samantha piniling itago ang bata kagaya ng nasa title, just in-case magtataka kayo o malito dahil wala pang bata ang involve sa pinakaunang yugto. Thanks!

He was cold, ruthless and untouchable. Everyone is scared of him, to his power. Ahashi Silvein is the man who controlled everything…his empire, his emotions,his future and did not let anyone dictate his life. Until one mistake shattered everything Isang gabi. Isang pagkakamali. Isang masakit na salita at nagbago ang lahat. A marriage neither of them wanted And a cruel sentence that shattered her last hope and love in her heart. After years of loving the man who cannot see her worth and could never love her back, Ashryuin decided to leave him silently and rebuild herself Carrying with her is the secret heir he never knew existed.

Limang taon na ang lumipas mula nang iwan ni Naomi Gonzales ang isla ng Euphoria, kasama ang isang gabing hindi niya kailanman nakalimutan. Isang gabing puno ng alak, init, at pagkakamaling hindi na niya mababawi. Ang natira lang sa alaala niya ay: isang skull pendant, isang mabangong amoy ng sandalwood, at ang bunga ng gabing iyon ay isang regalong pinangalanan niyang Sean. Pinili ni Naomi ang lumayo, magtrabaho at mamuhay ng tahimik para sa anak niya. Ngunit pagdating ng Pasko, napilitan siyang umuwi sa kanila at harapin ang desisyong matagal nang ipinipilit ng kanyang mga magulang. Para makaiwas, at alam niyang mali, nanghiram siya ng pag-ibig. Isang lalaking papayag magpanggap bilang perpektong boyfriend. Dahil hindi sumipot ang taong nirentahan niya, hindi niya inasahang makilala si Tobias Miranda—isang lalaking naghahanap din ng girlfriend para sa sarili niyang dahilan. Sa mundong binuo sa lihim, kasinungalingan, at pansamantalang kasunduan, unti-unting nalalagay sa alanganin ang puso ni Naomi. Dahil sa pagpasok ni Tobias sa buhay nila, unti-unti ring bumabalik ang isang katotohanang matagal niyang iniiwasan. Ang tunay na ama ng anak niyang si Sean. Si Thaddeus Miranda ang kambal ni Tobias. Dahil sa Euphoria, walang pag-ibig na simpleng hiniram lang. At may mga taong kahit limang taon na ang lumipas… hindi pa rin handang pakawalan ka.

Isang simpleng dalaga si Liora na may pangarap sa buhay hanggang sa baguhin ng kapalaran ang kanyang buhay sa pagtulong niya sa isang may edad na lalaki sa isang aksidenteng hindi inaasahan. Naging dahilan upang makilala niya ang arogante at bilyonaryong si Cassian Alcantara na siyang bibihag pala ng kanyang puso. Kaya lang naging daan ang kanyang pagtulong upang sumasa-panganib ang buhay nilang magkapatid at upang malaman nila ang tunay nilang pagkatao at mapahiya ang mga taong nais silang hamakin at sirain.

Limang taon na ang nakararaan, nagising si Elira Marquez sa ospital na sugatan, buntis, at may hawak na waiver—isang dokumentong may pirma ng kaniyang billionaire boyfriend na si Azriel Monteverde, na nag-uutos na ipalaglag ang kanilang anak kapalit ng limampung milyong piso para sa nalalapit nitong arranged marriage. Para maprotektahan ang sanggol, gumawa ng paraan si Elira sa tulong ng kapatid niya. Gumamit sila ng pekeng Death Certificate para palabasing patay na ang bata, bago sila tuluyang nagtago. ​Dahil sa problema sa pamilya, bumalik si Elira sa Maynila para maging financial auditor sa kumpanya ni Azriel. Sa muling pagkikita nila, napilitan siyang tumira sa mansyon nito dahil sa isang kasunduan. Isang lumang locket ang magiging susi sa katotohanan. Sa loob nito, may larawan ng isang limang taong gulang na batang lalaki na kamukhang-kamukha ng bilyonaryo. Ngayong alam na ni Azriel na buhay ang kaniyang tagapagmana, hanggang saan kayang panindigan ni Elira ang kaniyang mga naging kasinungalingan? At paano haharapin ni Azriel ang katotohanang ang kaniyang sariling dugo at laman ay pinalaki bilang isang lihim ng nakaraan?

Dahil sa utang na loob, pinakasalan ni Bella ang makapangyarihan ngunit disabled na CEO na si Sebastian Zobel. Pero sa mismong araw ng pagbabalik ni Sebastian mula sa abroad, isang estrangherong naka-maskara ang kumuha sa kanyang dangal sa isang madilim na silid sa hotel. Sa halip na malasakit, akusasyon ng pagtataksil at divorce agreement ang sumalubong sa kanya. Pinalayas si Bella nang walang kahit na anong dala. Habang nagtatago, nanganak si Bella sa gitna ng kawalan. Pagkagising niya, tatlong sanggol ang nasa tabi niya. Ang hindi niya alam, ang ika-apat niyang anak ay kinuha at iniwan sa pintuan ni Sebastian bilang nag-iisang tagapagmana nito. Anim na taon ang nakalipas ay nagbabalik si Bella kasama ang kanyang tatlong henyong anak para sa isang layunin: ang pirma ni Sebastian sa divorce papers. Ngunit sa muling pagkikita nila, isang katotohanan ang yayanig sa kanila—ang lalaki na sumira sa buhay ni Bella ay ang asawa palang ni minsan ay hindi niya nakita. Habang pilit na umiiwas si Bella, ang kanyang apat na maliliit na anak naman ang gagawa ng gulo para resbakan ang kanilang Mommy. "Scumbag Daddy, hindi pa kami tapos sa'yo!"