Third-Person POV Romance Web Novels & Hidden Identity Stories

Sa loob ng sampung taon, itinago ni Allan Santos ang tunay na pagkatao ni Jane Vasquez—ang babaeng pinakasalan niya matapos itong mabuntis. Para sa pamilya ni Allan, isa lamang si Jane sa mga babaeng naghahanap ng pagkakataong makapangasawa ng mayaman. Nakilala niya si Allan sa isang bar kung saan nagtatrabaho siya tuwing gabi. Hindi nila alam na sa umaga, isa siyang respetadong propesyonal at dating Chief Technology Officer (CTO) ng Aurelion Technologies International, isang kilalang kumpanya sa larangan ng teknolohiya at artificial intelligence. Nagtatrabaho si Jane sa bar hindi dahil wala siyang ibang kakayahan, kundi dahil kailangan niyang makalikom ng pera para sa operasyon ng kaniyang ina. Ngunit nang mabuntis siya at pakasalan ni Allan, iniwan niya ang kaniyang mataas na posisyon upang italaga ang sarili sa kaniyang pamilya. Para sa kanila, isa siyang babaeng mapagsamantala. Para sa kaniyang biyenan, hindi siya karapat-dapat sa kanilang pamilya. Ngunit ang pinakamasakit na katotohanan ay hindi lamang ang pangmamaliit sa kaniya. Kundi ang araw na nalaman niyang ikakasal ang sarili niyang asawa sa dating secretary ng kanyang asawa na si Alexa Cruz. Sa araw ng kasal, sa harap ng mga panauhin at ng pamilyang minsang ipinaglaban niya, tuluyan nang gumuho ang mundong binuo ni Jane. Sa halip na humingi ng tawad, itinaboy siya ni Allan. Maging ang sarili niyang anak ay pinili ang babaeng papalit sa kaniya. Pagkatapos ng sampung taon ng pagtitiis at pagsasakripisyo, tuluyan siyang lumayo sa lalaking minahal niya nang higit pa sa sarili niya. Ngunit hindi alam ni Allan na ang babaeng itinuring niyang pabigat ay ang mismong propesyonal na kailangan ng kaniyang kumpanya. Hindi niya alam na ang dating CTO na matagal nang hinahanap ng Aurelion Technologies International ay walang iba kundi ang sarili niyang asawa.

Tatlong taon. Tatlong taon ng pagmamahal, pangako, at isang kasal na akala ni Kate Herrera ay mananatili habang-buhay. Para sa kanya, si Richard Tolentino na ang perpektong asawa—mapagmahal, maalaga, at tila walang ibang babae sa mundo kundi siya. Kaya nang makatanggap siya ng mensahe mula sa isang misteryosong numero na nagsasabing niloloko siya ng kanyang asawa, hindi siya naniwala. Hanggang sa makita niya mismo ang katotohanan. Ang asawang minamahal niya ay nakikipaghalikan sa ibang babae. At ang mas masakit? Ang babaeng iyon ay ang kanyang matalik na kaibigan na si Cristina Mendoza. Sa isang iglap, gumuho ang mundong pinaniwalaan niyang ligtas. Pero hindi pa tapos ang lahat. Dahil sa likod ng pagtataksil ay may mga lihim na mas malalim kaysa sa isang simpleng pagtataksil. May mga ari-ariang palihim na nailipat, mga ebidensiyang unti-unting lumilitaw, at isang misteryosong taong tila alam ang bawat sikreto ni Richard. Sino ang nasa likod ng mga mensahe? Bakit siya tinutulungan nito? At hanggang saan ang kaya niyang gawin para mabawi ang lahat ng kinuha sa kanya? Mula sa babaeng sinaktan at niloko… magiging babaeng hindi na kayang apihin si Kate Herrera. Dahil sa pagkakataong ito— hindi na siya lalaban para sa pag-ibig. Lalaban siya para sa sarili niya.

Matapos ang tatlong taong pakikipagrelasyon sa isang mayaman na tagapagmana sa Cebu na si Simon, handa na sana si Zaniah na ipakilala ang tunay niyang pagkatao at mag-alok ng kasal para sa alyansa ng kanilang mga pamilya. Ngunit sa mismong araw ng proposal, gumawa ng dahilan si Simon para makaalis—yun pala ay nasa isang nightclub ito at napapaligiran ng ibang mga babae. Doon ay mayabang nitong sinabi na hinding-hindi ito magpapakasal sa isang babaeng mababa ang katayuan sa buhay. Nang makita ang tunay na ugali nito, hindi nag-atubili si Zaniah na iwan ito. Sa halip, lumapit siya sa mas makapangyarihang tao—ang tito ng lalaki si Conrad Martin. Para sa kanya, kung alyansa lang din naman ang habol sa kasal, wala namang pagkakaiba kung sino ang mapapangasawa niya. Sa araw ng engagement ni Simon sa anak sa labas ng pamilya ng Javier, nakita niya ang dati niyang girlfriend na si Zaniah, usap-usapang walang kwentang tagapagmana noon. Nakatayo ito habang nakaakbay sa kanyang tito Conrad, at ang ganda ng ngiti nito na tila hindi na niya kayang abutin pa. "Pamangkin," malumanay na pagtawag ni Zaniah, "Bakit hindi mo ako tawaging Tita?"

Sa gitna ng kawalan ng pag-asa, napilitan si Amara na pirmahan ang isang kontrata. Isang kasunduang magtutulak sa kanya na maging exclusive mistress ng isang makapangyarihang CEO, si Dominic Severino. Ang kapalit:, malaking halagang kailangan niya upang mailigtas ang buhay ng kanyang kapatid. Ngunit malinaw ang kondisyon ng kontrata, hindi siya dapat mahulog kay Dominic. Para kay Dominic, ang relasyon nila ay dapat manatiling lihim at walang kasamang emosyon. Para kay Amara, ito ay sakripisyo, isang kasinungalingang kailangan niyang itago sa lahat, lalo na’t ang tunay niyang pagkatao ay hindi niya maaaring ipaalam. Subalit habang lumilipas ang mga gabi, nagsisimulang mabali ang mga patakaran. Nagiging possessive si Dominic, ayaw siyang pakawalan kahit pa malinaw ang kasunduan.

Nasunog ang buong mukha ni Angel Gagmaitan dahil sinunog ng kabit ng kanyang asawa ang kanyang mukha. Buti na lang at may tumulong sa kanya, si Loid Dela Fuente. Pero, ang pagtulong palang iyon ay may kapalit.

One drunken night led Leila Valderama to marry the love of her life Beau Valencia. But Beau didn’t feel the same. After what happened he despised her. Ngunit sa kabila no’n ay pinakasalan siya nito hindi dahil sa pagmamahal kun’di para isalba ang negosyo ng pamilya nito na nasa bingit ng pagkalugi. Sa kabila ng mga hindi pagkakaintindihan at pagkakaiba nila ni Beau ay pinili niyang maniwala na maaayos rin ang pagsasama nila nito. Pero sa kasamaang palad ay hindi pala kayang turuan ang puso… Sa loob ng pitong taon ay tiniis ni Leila ang harap-harapang pagpapakilala sa kanya ni Beau ng ibang babae. Maging ang kawalan nito ng pakialam sa nararamdaman niya ay nagawa niyang tiisin. Pero ang lahat pala ay may hangganan dahil isang araw ay nagising na lang siya at naisip niyang wala ng ibang paraan para maisalba pa ang pagsasama nila. Ang tanging solusyon na lang ay ang sumuko. Ibinagsak ni Leila ang envelope na naglalaman ng divorce papers nila pagkatapos ay isinama ang anak niya para magpakalayo-layo. Desidido siyang baguhin at ayusin ang buhay nila. Sa loob lamang ng isang taon ay umangat ang buhay niya. Isang araw ay nakarating ang balita kay Beau. Nakatitig siya sa kopya ng papeles na ibinigay sa kanya ng kanyang tauhan—ang dati niyang asawa ay nangunguna na sa artificial intelligence industry—at ang mas nakakagulat ay nakita niya sa unang pagkakataon ang anak niya na isang sikat na child model.

Anastasia Celeste Montano — a secretive, manipulative, and ambitious wife of the number one business tycoon in the country — Frederick Maxwell Dominguez. Dahil sa kagustuhang umangat at makaahon sa kahirapan ay nagawang akitin ni Anastasia ang nag-iisang tagapagmana ng KeyStone Legacy Builder — isang kumpanya na siyang nangunguna sa bansa pagdating sa construction supplies. Ngunit lingid sa kaalaman ni Anastasia ay hindi lamang pala siya ang nagmamanipula sa mga nangyayari. Dahil sa kagustuhan ni Frederick na magustuhan ng ama at maipamana sa kanya nang tuluyan ang kumpanya ay pumayag siyang maikasal kay Anastasia kahit hindi niya naman talaga mahal ito, sa kadahilanang ang angkin nitong talino at galing sa lahat ng bagay ay lubos na makakatulong sa kanyang sariling pag-angat. Samantala, sa hindi inaasahang pagkakataon ay nahulog ang loob nina Frederick at Anastasia sa isa’t isa sa kabila ng lahat ng pagpapanggap at lihim na kanilang itinatago sa bawat isa. Ngunit walang kasinungalingan ang hindi nabubunyag. Nalaman ni Frederick at ng kanyang pamilya na si Anastasia ay hindi pala nagmula sa mayamang pamilya dahilan upang kamuhian siya ng mga ito dahil sa kanyang ginawang panloloko, lalo na ng ina ni Fred na isang matapobre. At hindi rin nakaligtas ang pagbunyag ng isang sikretong tuluyang nakasira sa kanila. Nalaman ni Anastasia na ang nakababatang kapatid ni Frederick ay anak pala nito sa unang kasintahan. Naging sanhi ito ng kanilang paghihiwalay. Ngunit dahil sa tagal nilang naging magkasama ay napalapit na pala ang loob ng ina ni Fred kay Anastasia kung kaya’t siya mismo ang nagpumilit na makipagbalikan ang kanyang anak sa asawa nito. Maaari pa kayang maibalik ang relasyong nasira? O tuluyan na itong mawawala?

Matapos ang ilang taong pagkakahiwalay, muling nagkrus ang landas nina Mariposa, Madrigal at ng dati niyang kasintahang si Gilbert, Saison sa isang pulong ng kompanya. Si Gilbert rin ang ama ng kanyang anak. Ang tanging nais ni Mariposa ay makaiwas sa kanya. Natatakot siyang maagaw ang kanyang anak, at higit sa lahat, natatakot siyang muling mawalan ng lahat. Naalala pa niya ang mga salitang minsang binitiwan nito, na laro lamang ang lahat para sa kanya. Kaya naman pinili niyang panatilihin ang isang mahigpit na propesyonal na relasyon bilang empleyado at nakatataas sa trabaho. Habang maraming babae ang palaging pumapaligid kay Gilbert, wala ni isa man sa mga ito ang kanyang pinagtuunan ng pansin. Noong una silang muling magkita, inakala ni Gilbert na siya ang iniwan ni Mariposa, at agad itong nag-asawa at nagkaroon ng anak. Dahil doon, nagpasya siyang paghigantihan ito. Nais niyang makita itong nasasaktan, nagsisisi, at wasak ang puso. Ngunit habang sinasamantala niya ang kahinaan at mga pagsubok na kinakaharap nito, hindi niya napigilang hangarin na manatili ito sa kanyang tabi, alagaan ang kanilang anak, at bumuo ng isang tahanan kasama siya. At nang malaman niya ang buong katotohanan, saka niya napagtanto na ang taong pinakamatindi niyang nasaktan sa kanyang paghihiganti ay si Mariposa mismo. "Ikaw ang nagsabing dapat tayong maglayo sa isa't isa," malamig na sabi ni Mariposa. Ngunit marahang itinaas ni Gilbert ang kanyang baba at ngumiti. "Maglayo?" bulong niya. "Sige. Pero ang distansyang iyon ay malabong mangyari.”

Ang pag-ibig na umpisa pa lang ay matinding sakit na ang dala. Paano kaya patatawarin ng isang babaeng pinagkaitan ng pagmamahal ang asawang kailanman ay hindi siya pinahalagahan? Si Monica Ramirez ay nanatiling asawa sa Papel. Ang akala niyang perpektong kasal at pagsasama ay isa palang kasinungalingan. Wala siyang kaalam-alam na ang asawang kanyang pinagkakatiwalaan ay matagal na palang may sariling pamilyang binubuhay.

Sa loob ng ilang taon bilang magkasintahan, nahuli ni Emily na niloloko siya ng kaniyang nobyo dahilan para makipaghiwalay siya rito at bumalik sa dati niyang buhay na tinalikuran para sa lalaki. Kasabay nito ay ang pagpayag na magpakasal sa lalaking itinakda sa kaniya ng kaniyang lolo. Akala niya ay hindi niya ito mamahalin, ngunit unti-unti'y natagpuan niya ang sarili niyang nahuhulog na rito. May patunguhan kaya ang nararamdaman niya?

Pumalit si Sophie sa kanyang kapatid upang magpakasal sa isang lalaking kilala lamang bilang tambay at barumbado. Namumuhay sila sa matinding kahirapan. Ngunit hindi niya inaasahan na ang kanyang asawa ay isa pa lang misteryosong bilyonaryo na may hawak ng napakalaking kapangyarihan at impluwensya. Hindi makapaniwala si Sophie sa kanyang natuklasan; nagmadali siyang bumalik sa kanilang maliit na inuupahang bahay at sumugod para yakapin ng kanyang asawa. “Sinasabi ng lahat na ikaw daw si Young Master Creighton… totoo ba ‘yon?” Hinaplos ng lalaki ang kanyang buhok. “Magkamukha lang kami.” Sumimangot si Sophie. “Napakasama ng ugali ng lalaking iyon! Pinipilit niyang ako daw ang asawa niya. Mahal, parusahan mo siya para sa akin!” Kinabukasan, lumitaw si Creighton sa harap ng lahat pagkatapos mabugbog at may pasa ang buong mukha, ngunit nakangiti pa rin ito. “Sir, ano po ang nangyari?” Bahagyang itinaas ni Young Master Creighton ang kanyang mga labi at sumagot nang walang pag-aalinlangan. “Inutusan ako ng asawa ko na bugbugin ko ang sarili ko, kaya sinigurado kong ginawa ko tulad ng gusto niya.”

Matapos tumakas sa isang kasalang ipinilit sa kanya, umaasa si Cella na magsisimula na ang kanyang bagong buhay sa lungsod. Ngunit sa mismong unang gabi ng kanyang kalayaan, muntik nang maagaw ang lahat nang lokohin siya ng isang walang lisensyang driver na nagtangkang pagsamantalahan siya. Sa kabila ng kanyang inosenteng anyo, hindi basta sumusuko si Cella. Lumaban siya nang buong tapang at nagawang makatakas, kahit sugatan, umiiyak, at walang ibang malapitan. Habang desperadong tumatakbo sa gitna ng gabi, isang marangyang restaurant ang nagsilbing huling pag-asa niya. Doon niya nakilala si Henry Reyes—isang makapangyarihan, malamig, at matagumpay na negosyanteng naniniwalang ang kasal ay isa lamang kasunduan para sa kapangyarihan. Habang naghahanda siyang makipagkita sa babaeng napili ng kanyang pamilya bilang mapapangasawa, biglang sumulpot sa kanyang harapan ang isang babaeng nakasuot pa ng pulang damit-pangkasal, umiiyak at humihingi ng tulong. Isang pagtatagpong hindi inaasahan ang maaaring tuluyang magbago sa kapalaran nilang dalawa. Sa pagitan ng isang babaeng tumatakas sa itinakdang kapalaran at isang lalaking walang puwang ang pag-ibig sa puso, maaari bang ang isang gabing puno ng panganib ang maging simula ng isang kuwentong hindi nila kailanman inasahan?

Rebecca Cervantes traded her chalk for a headset, working BPO night shifts to redeem their mortgaged land. She swallowed racist slurs and soul-crushing calls every night, all to give her family the comfort they deserved. So no one would look down on them anymore. Especially the rich. Eca learned to hate the rich people when she once loved a man from a wealthy family. But his love couldn’t protect her from his own family’s attacks. His mother and relatives shamed her in public countless times. And he never once stood up for her. He turned a blind eye to all the disrespect she suffered. Until she reached her breaking point. She broke up with him and vowed to never associate herself with his kind again. But then she met Frost Hiro Del Fuentes, a billionaire heir. Tinago nito ang sariling katauhan para lamang mapalapit sa kaniya. Nagpanggap itong walang pera para patuluyin niya sa kaniyang apartment. By the time Eca found out his lies, she ran. She was determined to cut him off from her life. But… he got her pregnant. She wasn’t ready for another responsibility. Lalo na’t maselan ang kaniyang pagbubuntis. Pero pinili niya pa ring maging isang ina. Her parents found out that she was pregnant out of wedlock. Her father demanded that a wedding take place immediately. And just like that, she was promised to Fortis– a man whose identity remained a mystery to her. Wala siyang ibang pagpipilian kundi ang umuwi sa kanila. But at the bus stop, Hiro waited with a marriage certificate with both their names, revealing that he had already married her.

"Hello, Food delivery," sagot ni Jeric sa isang propesyonal na tono. Ngunit isang seryosong boses ng matanda ang nanggaling sa kabilang linya. "Señorito Jeric, ang iyong tatlong taong pagsasanay at pagpapakumbaba sa pamilya Monterey ay opisyal nang natapos ngayong araw. Nabili na ni Don Israel ang Capital Horizon Group at inayos na ang lahat para maging bagong Chairman ka nito." "Mabuti kung ganun," maikling tugon ni Jeric. Nagpatuloy ang matanda sa kabilang linya. "Gusto ring malaman ni Don kung dapat na bang pormal na ipakilala si Mariela sa pamilya bilang isa sa mga tagapagmana ng bilyun-bilyong ari-arian?" Mapait na napangisi si Jeric. "Ipapakilala siya? 'Wag na. Hindi siya karapat-dapat." Ibinaba ni Jeric ang telepono, pinitik ang accelerator, at mabilis na humarurot sa gitna ng abalang kalsada ng Maynila.

Si Kaelen Vireaux ay isang makapangyarihang bilyonaryo na kinatatakutan at hinahangaan sa mundo ng negosyo. Ngunit sa likod ng kanyang tagumpay ay ang mga taong lihim na naghihintay ng kanyang pagbagsak. Isang gabi, matapos siyang ipagkanulo ng sarili niyang mga kasosyo at tangkaing patayin, nawalan siya ng malay sa gitna ng dagat. Nagising siya sa isang liblib na isla—walang alaala kung sino siya, kung saan siya nanggaling, o kung bakit siya naroon. Ang tanging taong tumulong sa kanya ay si Aelira Bloom, isang tahimik na island girl na namumuhay nang simple sa gitna ng isang maliit na hardin ng mga gulay at halaman. Kilala siya sa sitio bilang kakaiba, dahil tila may malalim siyang koneksyon sa kalikasan. Sa kanyang mga kamay, ang mga halaman ay mabilis tumubo, at ang mga baging ay tila gumagalaw na parang sumusunod sa kanyang kagustuhan. Habang tinutulungan ni Aelira si Kaelen na makabangon at matutong mamuhay muli, unti-unting nabubuo ang isang malalim na ugnayan sa pagitan nila. Sa gitna ng katahimikan ng isla at ng simpleng buhay na natagpuan niya roon, dahan-dahang nahuhulog ang puso ni Kaelen sa babaeng nagligtas sa kanya. Ngunit ang nakaraan ay hindi madaling takasan. Kapag bumalik ang kanyang mga alaala, babalik din ang mga taong nagtangkang pumatay sa kanya mga taong handang sirain ang lahat para sa kapangyarihan at kayamanan. At kapag nalaman nila kung nasaan siya, hindi lamang si Kaelen ang magiging target… kundi pati na rin ang babaeng nagbigay sa kanya ng bagong buhay. Sa isang mundong puno ng pagtataksil at kasakiman, kaya ba nilang ipaglaban ang pag-ibig na umusbong sa isang tahimik na isla? O tuluyan itong mawawala, tulad ng mga lihim na tinatago ng dagat?

Tatlong taon. Tatlong taong magpapanggap silang tunay na mag-asawa. Tatlong taong hihintayin ni Hendrix ang pagbabalik ng babaeng tunay niyang minahal. Sa loob ng dalawang taon ng kanilang pagsasama, naging perpekto si Hendrix bilang asawa. Inalagaan siya nito, pinrotektahan, at hindi kailanman pinabayaang magkulang sa anumang bagay. Sa paningin ng lahat, sila ang huwarang mag-asawa. Ngunit si Sabrina lang ang nakaaalam ng mapait na katotohanan. Lahat ng kabutihang ipinapakita ni Hendrix ay bunga lamang ng obligasyon—hindi ng pagmamahal. At sa mismong araw ng kanilang ikalawang wedding anniversary, habang tangan ni Sabrina ang ultrasound na magbabago sana ng kanilang buhay, isang divorce agreement ang iniabot ng kanyang asawa. Bumalik na kasi si Kathryn Rodriguez—ang babaeng hindi kailanman nawala sa puso ni Hendrix. Sa isang iglap, nawasak ang lahat ng pangarap ni Sabrina. Pati ang balitang magkakaroon sila ng anak ay hindi na niya nagawang sabihin. Pinili niyang lumayo... kasama ang lihim na anak na hindi kailanman malalaman ni Hendrix. Ngunit hindi alam ng lahat na si Sabrina ay hindi lamang isang simpleng babae. Sa likod ng kanyang maamong ngiti ay nakatago ang isang pambihirang talino. Isa siyang world-class medical researcher na hinahangaan ng mga pinakamalalaking pharmaceutical companies sa buong mundo—isang babaeng isinuko ang sariling kinabukasan alang-alang sa lalaking minahal niya. Nang tuluyan niyang piliing unahin ang sarili at ang kanyang anak, saka lamang napagtanto ni Hendrix ang pinakamalaki niyang pagkakamali. Ngunit paano kung huli na ang lahat? Paano kung ang babaeng minsang handang ibigay ang buong mundo para sa kanya ay wala nang natitirang pagmamahal? At paano kung ang lihim na anak na hindi niya kailanman nakilala ang maging susi upang tuluyan niyang maunawaan ang tunay na halaga ng pag-ibig? May natitira pa bang pusong handang magpatawad? O ang tanging natitira na lamang ay pagsisisi habang buhay?

Noong sanggol pa lamang si Amara Villanueva, nawala siya sa kanyang tunay na pamilya matapos ang isang misteryosong trahedya. Lumaki siya sa piling ng isang mahirap ngunit mapagmahal na pamilya, walang kaalam-alam na siya pala ang nag-iisang tagapagmana ng isa sa pinakamalalaking kumpanya sa bansa. Samantala, si Damien Montenegro, isang makapangyarihan, dominante, at kinatatakutang billionaire CEO, ay kilala bilang "The Devil" ng business world. Wala siyang pinaniniwalaan kundi kapangyarihan at pera. Ngunit nang magkrus ang landas nila ni Amara, isang bagay na hindi niya maipaliwanag ang unti-unting gumulo sa kanyang malamig na mundo. Dahil sa isang kasunduang kapwa nila kailangan, napilitan silang pumasok sa isang contract marriage. Para kay Amara, isa lamang itong paraan upang iligtas ang kanyang pamilya. Para kay Damien, isa lamang itong negosyo. Ngunit habang magkasama sila sa iisang bubong, ang galit, pagtatalo, at matinding tensyon sa pagitan nila ay unti-unting napalitan ng damdaming pareho nilang pilit itinatanggi. Habang lumalalim ang kanilang relasyon, isa-isang nabubunyag ang mga lihim ng nakaraan. Nang matuklasan ni Amara ang kanyang tunay na pagkatao bilang nawawalang heiress, nagsimula ang laban para sa mana, kapangyarihan, at katotohanan. Ngunit ang pinakamalaking pagsubok ay darating kapag nalaman niyang may koneksyon si Damien sa trahedyang sumira sa kanyang buhay. Sa mundong puno ng kasinungalingan, pagtataksil, at paghihiganti, kaya bang manaig ang pag-ibig? O tuluyan silang wawasakin ng mga lihim na matagal nang nakabaon sa nakaraan? Minsan, ang taong pinakamapanganib mahalin... ay siya ring taong nakatakdang mahalin habang-buhay.

Apat na taon ng kasal sila Xyriel at Ralph nang bumalik ang isang babaeng minahal ni Ralph. Noon lamang napagtanto ni Xyriel na kaya pala malamig na pagtrato at tila walang pagnanasa sa kanya ni Ralph ay hindi pala siya ang totoong mahal nito. Siya ang kasama sa bahay at katabi sa kama ngunit ang puso at isip ni Ralph ay nasa babaeng nililihim niyang mahalin, ang kabit nito. Binibigyan siya ni Ralph lagi ng panggastos buwan-buwan, tatlong libo ang saktong pera ngunit kulang ito sa mga gastusin sa pang-araw-araw ni Xyriel. Habang si Ralph ay tinitipid ang pera sa kanyang asawa na si Xyriel, nagwawaldas naman ng halos tatlong milyon para sa paghahanap sa kanyang kabit, ang babaeng matagal ng nakaukit sa puso nito. Sobrang sakit para kay Xyriel na hindi niya mapapantayan ang pagmamahal na pinaparamdam ni Ralph sa kabit nito.

Sumumpang hindi na muling magmamahal si Erzel matapos siyang iwan ni Alfred Caballero—ang lalaking nangakong pakakasalan siya. Imbes na magmukmok, ibinuhos na lang niya ang oras sa trabaho. Sa umaga, kilala siya bilang albularyo. Pagsapit ng gabi, tumatanggap siya ng mga pribadong appointment mula sa mayayamang kliyenteng handang magbayad ng malaking halaga kapalit ng serbisyo niya. Hanggang sa isang gabi, na-set up siya at pinahiya ng asawa ng isa sa kanyang mayayamang kliyente. Akala niya, iyon na ang katapusan ng lahat. Pero dumating si Juan Miguel Cervantez—isang makapangyarihan at bilyonaryong negosyante na nagligtas sa kanya sa kahihiyan. Ngunit hindi basta pagtulong ang sadya ni Juan Miguel. Naniniwala itong isinumpa siya matapos mabigo ang lahat ng doktor na gamutin ang sakit niya. Desperado siyang magbayad ng malaking halaga para lang gumaling sa pag-asang babalikan pa siya ng ex-fiancée niyang si Zunshine Agustin. Desidido si Erzel na lokohin ang desperadong lalaki habang itinatago ang sikreto sa likod ng kanyang pagiging albularyo. Ngunit habang tumatagal ang pagsasama nila, mas lalo naman silang napapalapit sa isa't isa. Kasabay nito ang muling paglitaw nina Zunshine Agustin at Alfred Caballero—ang dalawang taong unang sumira sa kanilang mga puso. Kung ang tadhana na mismo ang gumawa ng paraan para paglapitin ang dalawang pusong parehong iniwan, sapat na kaya iyon para matutunan nilang magmahal muli? Lalangitngit na ang langit... sasama ka ba?

Isang bagyo ang saksi sa pagkawala ni Saphira, ang batang isinilang pero agad ding nawala sa piling ng pamilya niya. Lumaki siyang ampon ng mga Imperial, tagabantay lamang ng anak nilang si Danica ang dalagang bulag na muling nakakita pagdating ng ika-labingwalo nitong kaarawan dahil sumailalim sa isang operasyon. Sa araw ng pagbabalik ng liwanag ni Danica, natagpuan naman ni Saphira ang tunay niyang pamilya… at ang lalaking magpapabago sa buhay ni Saphira, si Lior Del Fierro, isang business tycoon na masyadong misteryoso para pagkatiwalaan, ngunit imposibleng hindi maramdaman. Ngunit paano kung sa pagbalik ng kanyang nakaraan… ay ang lalaking minamahal niya rin ang dahilan kung bakit siya nawala noon?