Novel & Cerita Si Simoun

A single night changed everything. Matapos mangyari ang isang pagkakamali sa gabing 'yon, nagising na lang si Vivian na ikinasal sa kanyang sariling Boss na kilala sa industriya. Andrie Reign, dahil lamang sa isang pagkakamali ay napilitan itong makipaghiwalay sa taong mahal niya, at pinakasalan ang empleyado niyang si Vivian.

Kinatatakutan ang mafia boss na si Trood Moherra sa criminal underworld. Maliban kasi sa eksperto siya sa illegal trafficking ay wala siyang awa kung kumitil ng buhay sa mga traydor nilang kasamahan. Wala siyang sinasanto basta para sa grupo nilang IRON BLADES. Subalit isang araw, sa gitna ng kaguluhan sa mundo ng mga kriminal ay pinakiusapan siya ng pinakamataas nilang leader na si Mattias na pangalagaan niya ang pangalawa nitong asawa na si Monica na noon ay nagdadalang tao. Ginawa naman niya ang lahat upang iligtas ang babae sa kanilang mga kalaban. Iniuwi niya ito sa probinsya upang maprotektahan pati ang sanggol sa sinapupunan nito. Ang hindi nga lang inasahan ni Trood habang sila ay tumatakas ay siya namang panganganak nito. Napilitan tuloy siya na mag-highjack ng isang pampublikong bus upang makahanap ng magpapaanak dito. Nakilala niya sa bus ang pasaherong si Avely Venoza, ang isang nurse ng Moherra Birthcare Center sa probinsya ng Galero. Nagtulungan sila upang mailigtas si Monica at ang sanggol sa sinapupunan nito. Sa kasamaang palad, naging huli ang lahat, pinanawan pa rin ng buhay si Monica pati na rin ang sanggol. Nang malaman ni Trood ang nangyari ay binayaran niya si Avely upang ito na ang bahala sa mag-ina dahil kinailangan na niyang bumalik sa magulong mundo ng mga mafia. Doon nagalit sa kanya ang dalaga. Inakala kasi ni Avely na asawa at anak ni Trood ang mag-inang namatay. Hiniling ni Avely na sana hindi na magkukurus pa ang landas nila ng walang kuwentang ama, kahit pa sa bandang huli ay nalaman niyang nabuhay pala ang sanggol. Wala man siyang karapatan ay isinumpa ni Avely na hindi siya makakapayag na magkita pa ang mag-ama.

Si Alona Adarna, isang contestant sa Miss Pasig City 2020, ay hindi inakalang magbabago ang kanyang buhay nang makilala niya si Neil Custodio, isang napakagwapong billionaire na nagmamay-ari ng pinakatanyag na Airline Company sa Philippines ang Tropical Air at hurado ng patimpalak. Sa isang lihim na relasyon na walang kasiguruhan, nahanap ni Alona ang kanyang sarili sa isang mapait na sitwasyon—minamahal niya si Neil, ngunit para kay Neil, siya ay tila isang palamuti lamang-isang lihim na kasamang nagpapalipas ng oras. Sa loob ng dalawang taon, ang kanilang tago at masalimuot na relasyon ay lumalim, habang si Alona ay tinutulungan ang kanyang ina na magpagamot mula sa lupus sa Australia. Ngunit dumating ang oras na kailangan ni Alona tanggapin ang mapait na katotohanan—si Neil ay ikakasal sa iba. Ang huling gabi nilang magkasama ay nagbunga ng isang lihim na nagpapabago sa kanilang kapalaran at kailanman hindi maisasaayos ng tadhana. Habang si Neil naman, sa una ay masaya sa kanyang bagong kasal kay Wilma, hindi niya alam na may isang malalim na sugat sa kanyang puso na iniwan ng pagkawala ni Alona. Limang taon ang lumipas, Tahimik na pinalaki niya ang kanyang kambal at dala ni Alona ang lihim nila Emerald at Aniego. Sa kanyang pagbabalik sa Pilipinas, hindi inaasahang magkrus muli ang landas nila ni Neil-isang pagkikita na puno ng hindi inaasahang mga rebelasyon. Paano niya haharapin mag-isa ang pagiging dalagang ina na dulot ng huling gabi nila ni Niel?Makakayanan kaya niyang ipagtapat ang lihim ng kambal?At si Neil,paano niya tatanggapin ang katotohanan?Magdududa ba siya o mararamdaman ang masakit na katotohanan na sila'y kanya nga?

Patuloy parin umaasa at naghihintay si Melisa na balang araw ay magkikita muli sila ng kanyang kaibigan na si Albert. Simula kasing nag aral si Albert ng kolehiyo ay Manila ay wala na itong balita pa. Pero alam niyang babalikan siya ni Albert upang ipagpatuloy ang kanilang pangarap na makapag patayo ng Dream House sa lugar na kanilanh tagpuan. Ngunit isang araw ay nabalitaan niyang magpapakasal na si Albert kay Devina. Gumuho ang mundo ni Melisa ng malaman niyang ang pinagawa ni Albert na Dream House ay magiging bahay na pala nila ni Devina. Ngunit lingid sa kaalaman ni Melisa na ito ay para talaga sa kanya at hindi para kay Devina. Gustong kausapin ni Albert ang dalaga upang maintindihan niya kung paano at ano ang nangyari sa kanya noong siya ay nag tatrabaho sa America. Ngunit hindi ito nagpapakita sa kanya. Nagpakalayo muna si Melisa upang makalimutan ang bangungot na kanyang naranaaan. Lumipas ang taon ng malaman ni Melisa na hanggang ngayon ay hindi pa kasal si Albert at Devina. Nabalitaan din niya sa kanyang ina na araw-araw siyang hinahanap ni Albert upang magpaliwanag at muling mag balik ang kanilang pagkakaibigan at (Pagmamahalan). Bumalik si Melisa. At ibang Melisa na iyon hindi na mahina hindi na iyakin at hindi na kailan pa matatalo at masasaktan. Nagkita sila ni Albert sa hindi inaasahang lugar. Dahil sa pananabik ni Albert kay Melisa ay bigla niya itong hinalikan sa mga labi. Kapwa sila nagulat sa nangyari. Isang malakas na palad ang dumapo sa pisngi ni Albert. Magiging huli naba ang lahat para kay Melisa? Maipaglalaban pa kaya niya ang kanyang tunay na nararamdaman para sa kaibigan? Lalo na at magpapakasal na ito kay Devina.

Si Isabella “Bella” Alcaraz ay halos nabuhay sa likod ng anino ng kanyang “almost perfect” na nakatatandang kapatid, si Marisella—ang glamorosa, walang kapintasan at ubod ng bait na mukha ng Alcazar Luxe Events. Kilala ang kanilang pamilya pero sa likod ng lahat ng ito, unti-unting bumabagsak at nababaon sa hindi mabilang na utang. Pinili ng kanilang mga magulang na ipakasal si Marisella kay Leonardo “Leon” Veyra, ang makapangyarihan, walang awa at nakakatakot na CEO ng Veyra Global Holdings. Halos lahat ng negosyo mula finance, hotels at real estate ay saklaw ng kayamanan niya. Ngunit sa mismong araw ng kasal, naglaho na parang bula si Marisella. Para maprotektahan ang pangalan ng pamilya mula sa iskandalo, walang nagawa si Isabella kundi ang maglakad patungo sa altar kapalit ng kanyang kapatid. Natatago sa belo ng sutla at kasinungalingan, siya ang naging “substitute bride” ng isang lalaking kayang ibaon sa hukay ang pamilya niya sa isang salita lamang. Hindi madaling malinlang si Leon. Alam niyang ang babaeng nasa tabi niya ay hindi ang ipinangako sa kanya. Ngunit imbes na itigil ang seremonya, inako niya si Isabella bilang kanyang asawa. Sa mundo, isa itong perpektong kasal, isang fairy tale. Pero sa likod ng mga pinto, isa itong mapanganib na laro ng sekreto, kapangyarihan at obsession. Sa ilalim ng kasal na nabuo sa panlilinlang, kailangan tiisin ni Isabella ang malamig na galit, nag-iinit na pagnanasa at walang hanggang pagdududa ni Leon. Ngunit habang lumilipas ang mga araw, ang galit at pagdududa ay unti-unting lumalabo. Kasabay nito, patuloy na bumabalot ang pagkawala ni Marisella—runaway bride nga ba, o mas malalim pa? Sa bawat pangakong binibigkas, maaaring nakataya ang pamilya, kalayaan… at puso ni Isabella.

Walong taong minahal ni Marielle si Ryan at buong akala niya ay ito na ang lalaking makakasama niya habambuhay. Pero isang pagtataksil lang ang sumira sa lahat ng pangarap niya—kasabay ng isang lihim na kayang wasakin ang buong buhay niya. Apat na taon na ang nakalipas, sa gabing lasing ngunit masaya ang puso niya, aksidente siyang napunta sa maling hotel room at nakasiping ang lalaking hindi niya man lang nakita nang malinaw. Buong akala niya noon ay si Ryan iyon. Ngunit nang makilala niya si Giovanni Armani—isang malamig, makapangyarihan, at mapanganib na billionaire—unti-unting nabuhay ang mga lihim na pilit niyang kinakalimutan. Mas lalo siyang nagulo nang mapansin niyang tila may kakaibang koneksyon si Giovanni sa anak niyang si Mikayla. Habang papalapit siya sa katotohanan, sunod-sunod namang misteryo, kasinungalingan, at panganib ang bumabalot sa buhay nilang mag-ina. May mga taong desperadong itago ang nangyari apat na taon na ang nakalipas… at handang gawin ang lahat para manatiling lihim iyon. Pero paano kung ang lalaking pilit niyang iniiwasan ang siya palang tunay na ama ng kanyang anak? At paano kung ang gabing itinuring niyang pinakamalaking pagkakamali… ang siya palang magsisimula ng pinakamapanganib at pinakamalalim na pag-ibig sa buhay niya?

Ikakasal na dapat si Alexandra sa nobyo niyang isang half chinese na si Triton Chu. Handa silang suwayin ang lahat maging ang mommy ni Triton na hindi boto sa kanya. Pero isang gabing naimbitahan siya sa isang party sa kauna-unahang pagkakataon sa buong buhay niya ay hindi niya ito pinalampas. Pero hindi niya inakala na iyon pa la ang magdadala sa kanya sa papunta kay Zachary Luthman, isang appointed CEO ng kanilang construction company- kilala bilang casanova. Lahat ng babae ay nakukuha niya sa alindog at kaguwapuhan niya. Gawa ng labis na kalasingan ay namali ng kuwartong pinagpahingahan si Alexandra at sa hindi inaasahang pagkakataon ay nakasalo niya sa isang mainit na gabi si Zachary. Sa kahihiyan kinabukasan ay halos gumuho ang mundo ni Alexandra. Wala siyang kaalam-alam kung sino ang nakasalo niya sa kama. Wala na siyang mukhang maihaharap sa nobyo niya. Pero paano kung ang kasalanang iyon ang maglalayo pa la sa kan'ya sa maling tao? Paano kung sa muling pagtatagpo nila ni Zachary ay makilala niya kung sino talaga ang isang Zachary Luthman? Mahulog kaya siya sa babaerong si Zach? Gayong dahil sa kasalanang iyon ay napagkasunduang ipakasal silang dalawa?

Akala ni Jessi Maximo ay mamatay na siya dahil sa cancer. Handa na sana siyang magpaalam sa mundo nang matuklasan niya ang pinakamasakit na katotohanan. Ang malambing niyang boyfriend na si David at ang matalik niyang kaibigan na si Jessica ay nagtataksil sa mismong paanan ng hospital bed niya! ​Dala ng matinding galit at desperasyon nagdesisyon siyang ibigay ang kanyang pagkababae sa isang gwapong estranghero sa club bago siya bawian ng buhay. Pero kinabukasan nagising siya sa dalawang nakakalokang balita. Una misdiagnosed pala siya at malusog ang katawan niya! Pangalawa ang lalaking inangkin niya ay walang iba kundi ang bilyonaryong si Alistair Montemayor na limang taon na palang impotent at tanging sa kanya lang tinablan ng init! ​Dahil kailangan ni Alistair ng tagapagmana para makuha ang kumpanya ng pamilya niya inalok niya si Jessi ng isang pabor na hindi pwedeng tanggihan. Isang kontratang kasal kung saan kailangan ni Jessi na maging asawa at magbigay ng anak sa kanya. Ang kapalit? Gagamitin ni Alistair ang buong yaman niya para durugin ang mga taong nanloko kay Jessi. ​Ngayon nagbabalik si Jessi bilang ang nag iisang Misis Montemayor. Handa na siyang ipatikim ang impyerno sa ex niya at sa ahas niyang kaibigan.

Si Althea Cruz ay isang dancer sa sikat na club na Elysium, kung saan siya ay laging naka-mask para itago ang kanyang pagkakakilanlan. Isang gabi, nakilala niya ang misteryosong may-ari ng club, si Damian Villanueva… isang mayaman, dominante, at mapanuksong lalaki. Nagkaroon sila ng kakaibang koneksyon hanggang sa inalok siya ni Damian ng isang kasunduan: maging mistress niya sa loob ng dalawang taon, kapalit ng malaking halaga na pera at iba pa. Dahil sa pagkakaospital ng kanyang ina at sa kakulangan ng pera para sa gamutan, napilitan si Althea na pumirma sa kontrata, kahit alam niyang maaaring magbago ang buhay niya mula noon. Ang hindi niya alam, si Damian ay ama ng boyfriend niyang si Ethan… ang lalaking tunay niyang minamahal. Habang lumilipas ang mga buwan sa piling ni Damian, unti-unti niyang natutuklasan ang mga lihim sa likod ng pamilya Villanueva… at ang mas nakakatakot pa, nahuhulog na rin siya sa lalaking dapat ay kinamumuhian niya. Ngayon, nahati ang puso ni Althea sa pagitan ng lalaking una niyang minahal at ng lalaking hindi niya kayang iwan, kahit alam niyang mali. Hanggang saan ang kaya niyang tiisin alang-alang sa kontrata, sa pamilya, at sa pusong unti-unting nabubuwag sa bawal na pag-ibig?

Napakanaiba ni Rose kaya hindi niya alam na niloloko na siya ng kanyang ex-fiance na si Jonah bago pa man ang araw ng kanyang kasal. Noong gabi bago ang kanyang kasal, nahuli niya itong nagtaksil kasama ang huling tao na inaasahan niyang makakasama nito, si Rebecca. Dahil sa galit at hinanakit, sinumpa niya sila at umalis, tsaka nagpakalasing at nakipaghalikan sa isang mafia don, na hindi niya nalalamang ama-amahang kapatid at boss pala ng kanyang fiance. Sa araw ng kasal, sumugod siya sa loob at kinansela ito, sabay pahiya kay Jonah. Matapos ang kahihiyan, nangako si Jonah na gagawin niyang miserable ang buhay ni Rose. Sinubukan niyang maghanap ng trabaho, ngunit halos imposible ito dahil sa impluwensyang mayroon si Jonah. Kaya naman pumunta siya sa pinakamalakas na mafia don na inirekomenda sa kanya ng kanyang kaibigang si Lucy. Nang humingi siya ng tulong dito, lumabas na ang don ay ang mahiwagang lalaki na matagal nang nagpapakita ng interes sa kanya, ngunit patuloy niyang tinatanggihan. Nang hindi niya nalalaman, siya pala ang boss at ama-amahang kapatid ng kanyang ex-fiance. Humingi siya ng tulong dito, at siyempre ay nag-alok naman ito, ngunit sa isang kondisyon... na siya ay magiging mistress nito!